Read Tangkhul Naga EZRA 10 Bible Online

EZRA 10 - Tangkhul Naga bible

EZRA 10

¹Ezrana Khorumshimli ngaleokazamlaga chapsasui ning ngateida leilakha Israelwui mibing khararnaosan kachungkha awui ngalemli rākazipa; kaja mibingna panglāk eina chapngachāhaowa.

²Kala Elamnaobingwui eina Jehielwui naomayara Shecaniahna Ezrali rāhānga, “Ithumna Vareli ningtongda shitkasang kaihaira, kala hiwui yur khangateiwui sha̱naoli ngakumhaira, kha chithasalala aruila Israelwui vang kachihān lei.

³Chiwui vang ithum Varewui ningkhamili khangacheebing kala ameiwui hāngkachithei athishurda pareiva̱bing eina athumwui naongarāli horhaora da ithumwui Varewui mangāli tuingashit akha sasa; kala ainwui athishurda chi sāranu.

⁴Ngakarthuilu, kaja hi nawui otna, kala ithumla nali ngasoda lei, pingmeilu kala chi sālu.”

⁵Chieina Ezrana ngakarthuida pāngmon eina Levi kathānabing kala Israel saikorali hāngkahai chithāda khangashit sāngasaka. Chiwui vang athumna khangashit sai.

⁶Chieina Ezrana Khorumshim eina shokta Eliashibwui naomayara Jehohananwui kāli vāda chithang ngayā zātla mazā kala tara̱la mamangla apisanga, kaja raithā kahaiwui eina latkhaungbingwui mashitkasangwui vang chapngachai.

⁷Kala Judah eina Jerusalemli khalei raithā kahaiwui eina latkhaungbing saikora Jerusalemli kazipserphalungra da chishāta,

⁸kala kachikathāna kathumthangwui alungli maraakha, ararnaobing eina otva̱bingwui kakaso athishurda chikathā miwui shimlui ngaponra, kala ali raithā kahaiwui eina latkhaungbingwui kazip eina khāmhaora.

⁹Chieina Judah eina Benjaminwui mi saikorana kathumthangwui alungli Jerusalemli rākazipsera; hi kachāng kachikowui khamaga̱ thangna. Kala mi saikorana Khorumshimwui kayāngli apamsera, kaja apong hiwui vang kala kazing marlak eina kharowui vang ngacheeyikhaowa.

¹⁰Kala pāngmon Ezrana thuinganingda hānga, “Nathum ningkhami kaida yur khangatei ngalā kakhuiwui vang Israelwui khangui mataisang ngasakhaira.

¹¹Chieina nashāvā ngarāwui Vare PROHOli ning ngateida awui kakaso chi sālu; lam hiwui mibingwui eina kala kha̱mi preiva̱ ngarāwui eina nathum khalatta ngateithulu.”

¹²Chieina kakazip saikora china panglāk eina vaoda hānga, “Chitharanu; nana kahāng thāda ithumna sāra.

¹³Kha mi kachungkhahaoda, kala kazing marlak eina rohaoda ithum kayāngli manganingpaithuwa. Chili lāngda otsak hi thangkha khanithangwui ot maningmana; kaja hiwui pongli ithumna khangui kahaka sāhaira.

¹⁴Ithumwui otva̱bingna yarui katongawui vang nganingmiranu; kala ithumwui keinung saikorali khalei kha̱milā kakhui saikorali atam akha langchinhaida chili raserranu; kala Varewui malungkhavāt chi ithumwui eina mangareithuiranglakha eina tangda keinung kachiva̱ ararnaobing eina bichar kasābingna athumli ngasopamranu.”

¹⁵Athumwui ngachaili Asahelwui nao Jonathan eina Tikvahwui nao Jahzeiah animāngna mamayāmana, kala anili Leviwui Meshullam eina Shabbethaina mijang zanga.

¹⁶Chieina raithā kahaiwui eina latkhaungbing china chithāda sai. Avāva̱ ngarā shimkhurwui athishurda aming milaga pāngmon Ezrana wungva̱bing kapangkhui. Kachāng katharāwui kharethang athumna maram chi phākhui khavai pamphoka;

¹⁷kala kachāng kharewui kharethang kha̱milā kakhui saikora ngathingkhuiserhaowa.

¹⁸Pāngmonbingwui naomayarabing kha̱milā kakhui chi Ma-aseiah, Eliezer, Jarib kala Gedaliah; Jeshua naongarābingwui eina shimkhurli Jozadakwui naomayara kala achinā ngarāna.

¹⁹Athumna preiva̱ngarāli pānghaora da ngashita, kala chiwui khayonchigatwui vang yao ashangva̱wui eina yaovā akha chigata.

²⁰Immerwui naomayarabingwui eina, Hanani eina Zebadiah.

²¹Harimwui naomayarabingwui eina Ma-aseiah, Elijah, Shemaiah, Jehiel kala Uzziah.

²²Pashhurwui naomayarabingwui eina Eli-o-enai, Ma-aseiah, Ishmael, Nethanel, Jozabad kala Elasah.

²³Levinaobingwui eina Jozabad, Shime-i, Kelaiah (chiya Kelita), Petha-hiah, Judah eina Eliezer,

²⁴Laa kasāshi shangli, Eliashib, Ngavei khamayonbingwui eina Shallum, Telem kala Uri.

²⁵Israelwui eina Paroshwui naomayarabing athumwui eina Ramiah, Izziah, Malchijah, Mijamin, Eleazer, Hashabiah kala Benaiah.

²⁶Elamwui naomayarabingwui eina Mattaniah, Zechariah, Jehiel, Abdi, Jeremoth kala Elijah.

²⁷Zattuwui naomayarabingwui eina Eli-o-enai, Eliashib, Mattaniah, Jeremoth, Zabad kala Aziza.

²⁸Bebaiwui naomayarabingwui eina Jehohanan, Hananiah, Zabbai kala Athlai.

²⁹Baniwui naomayarabingwui eina Meshullam, Malluch, Adaiah, Jashub, Sheal kala Jeremoth.

³⁰Pahath-moabwui naomayarabingwui eina Adna, Khelal, Benaiah, Ma-aseiah, Mattaniah, Bezalel. Binnui kala Manasseh.

³¹Harimwui naomayarabingwui eina Eliezer, Isshijah, Malchijah, Shemaiah, Shime-on,

³²Benjamin, Malluch, kala Shemariah.

³³Hashumwui naomayarabingwui eina Mattenai, Mattattah, Zabad, Eliphelet, Jeremai, Manasseh, kala Shime-i.

³⁴Baniwui naomayarabingwui eina Ma-adai, Amram, Uel,

³⁵Benaiah, Bedeiah, Kheluhi,

³⁶Vaniah, Meremoth, Eliashib,

³⁷Mattaniah, Mattenai, Jaasu.

³⁸Binnuiwui naomayarabingwui eina Shime-i,

³⁹Shelemiah, Nathan, Adaiah,

⁴⁰Machnadebai, Shashai, Sharai,

⁴¹Azarel, Shelemiah, Shemariah,

⁴²Shallum, Amariah kala Joseph.

⁴³Nebowui naomayarabingwui eina Je-iel, Mattithiah, Zabad, Zebina, Jaddai, Joel kala Benaiah.

⁴⁴Athum hi kha̱milā khuiserhairasai, kala naongarā zangda chihoserhaowa.