Read Tangkhul Naga JOB 22 Bible Online

JOB 22 - Tangkhul Naga bible

JOB 22

¹Chiwui thili Temanwui Eliphazna ngahānkai:

² Mina Varewui vang kānnākapai leila? Kachangkhatta thangkhama mi chi akhalattawui vang kānnā khavaina.

³Nana khangarongana kajiwui vang Sāshap-pangshapali ningyāng ungkhavai leilā, maningakha nana shāt makāthuwada awui vang tongkazā leila?

⁴Nana ali khangacheewui vang, ana nali hāngmachinda nali ana bichar kasāla?

⁵Nawui makaphā makhayā mahakmahāmala? Nawui khayonkhamāng katang mavaimana.

⁶Kaja khikha makhaningwui vang nachināwui eina mikhavai khangashit nana khuihaira, kala makhangavaibingwui kashankachon raithuimihaira.

⁷Kachot kachāngbingli nana tara̱ mangkhavai mamimana, kala kathaibingli zākhavai mamimana.

⁸Pangshap khalei mi chiwui lam ngavai, kala ngahānkhangaibingna chili okthui.

⁹Ra̱meinaoli nana khamasai eina chihoi, kala avāva̱ makhalei naobingwui pāngthei sātekmi.

¹⁰Chiwui vang nali kuimareida khalen lei, kala kashuirak eina nali khangacheena yuihaira;

¹¹namik mathei khavai kahor chi tangmang ngasakhaira, kala tara̱ kaphongna nali kuinamhaira.

¹²Vare kajuia kazingramli maleimala? Juimeikap kaji sirā chili yanglu, athum kayākha juikhala?

¹³Chiwui vang nana hānga, “Varena khi theida? Ana tangmangting eina bichar sāshaprala?”

¹⁴Muiya kashā ali khaluiphinhaida chiwui vang ana matheimana, ana kazing eina ngalei ngasun khavaipamli zata.

¹⁵Makhayā mibingna zatkhavai shongfa kachama chili nana zatchingrala?

¹⁶Athumle athumwui atam maungshungranglakha khuithuihaowa, athumwui shimphunga pheothuihaira.

¹⁷Athumna Vareli ithumwui eina thuihaolu, Sashap-pangshapana ithumli khi sāshaprakhala? da hānga.

¹⁸Chithālala ana athumwui shim khamathā otmāng eina chipemmi— kha makhayāwui hāngkachithei chi iwui eina katāvali lei.

¹⁹Khamashungbingna chi theida ringphai; kala khayon makhaleibingna zeilaga mana̱shida,

²⁰ithumwui yangkashebing katathaira, kala athumna nothā kahaibing chi meina chuitāhaira da hānga.

²¹“Vareli mashitkhuida chingri eina pamlu; chithākha nali kaphā chi rāra.

²²Akhamorwui eina tamkachithei chi khuilu, kala awui tui naningli thumhailu.

²³Sāshap-pangshapali nana latungda nakhalattana hamsangakha, khayonkhamāng saikora nashi shimwui eina katāvali khuithuihaiakha,

²⁴nana sinā chi chifali phumhaiakha, kala Ophirwui sinā chi kongwui lunggui lungli phumhaiakha,

²⁵kala Sashap-pangshapali nawui aman kasaka sinā lupāna da phaningakha,

²⁶chitharan nana Sashap-pangshapali nakhalatta ringkaphā samphangra, kala Vareli namai yangkānaora.

²⁷Nana ali seihā sāda, ana nali shāmira, kala nana khangashit mira.

²⁸Nana sākida khangarān ot chi, nawui vang ana sākāmira, kala kahor china nawui shongfali hormira.

²⁹Kaja Varena langkaso chili nemtā ngasaka, kha khangazana mi chili ana huimi.

³⁰Khayon makhaleibingli ana kanmira; kala napāng katharwui vang nalila kanmira.”