Read Tangkhul Naga JOB 35 Bible Online

JOB 35 - Tangkhul Naga bible

JOB 35

¹Kala Elihuna hānga:

²“Hi mashunga da na phaningla? ‘Varewui mangāli hi iwui mashunna’ kajilamā,

³kaja nana ngahāna, ‘Iwui katong khi lei? Ina morei sāhairakha phākhamei khi lei?’

⁴Nali kala nali ngasopamda khalei ngasotnaobingli ina ngahānkāga:

⁵Kazingli ngashānkāda yanglu; kala nathumli juikhamei muiyā chili yanglu.

⁶ Nana morei sāhaiakha awui vang khi ungshungmikhala? Kala nana chonmakānchingakha, nana ali khi sākhala?

⁷Nana ngarongakha, ali khi mi; lah napāngwui eina ana khi samphangkhala?

⁸Nawui zakkashina kateili khanang ngasaka, kala nana kaphā kasā china athumli ngachonmi.

⁹“Khikhalajila rekakharek chungnā kahaiwui vang mina chapa; sāshapabing chili mayuithuda ngachonkhami poi.

¹⁰Kha khipanakha ‘Ili Kasaa, ngayā laa sākhangasaka,

¹¹okathuiwui sāyurli lāngda ithumli tamchitheikhame, kazingramwui vānaoli mataimeida ithumli thangmei khangasaka, Vare chi kali leikhala’ da mangahānmana?

¹²Athumna ringngai, kha makaphā miwui langkasowui vang eina ana mangahānkāmimana.

¹³Kachangkhat eina pophāphā kajili Varena manganāsangmana, Sāshap-pangshapa china mahengsangmana.

¹⁴Chithākha, nana ali namik eina matheimana da hāngda leilaga nali kayakha suitāda nganāmira, kaja tuingaphun chi awui pāngli lei, kala na ali ngaraida lei!

¹⁵Arui awui malungkhavātna tandi mamithuda, kala morei kasāli tarākha manganāsangmithuda,

¹⁶Jobna khamor makāda hangphāphai, kala ana thangkhamei maleila tui mataisang ngasaka.