Read Tangkhul Naga LAA 132 Bible Online

LAA 132 - Tangkhul Naga bible

LAA 132

¹Phaningungmilu, O PROHO, Davidli ngahānkhangai mangā eina, ana kachotkachāng phungkahai saikora;

²ana kathāda PROHOli ngashithai, Jacobwui Pangshapa chili,

³“Ina iwui shimli mazangmara, petlila makāmara;

⁴Imik mapikhui ngasakmara, imikphung mangasākhui ngasakmara,

⁵PROHOwui vang apam akha ina maphākhuiranglakha, Jacobwui Pangshapawui, pamkhavai masamphangranglakha eina tangda.”

⁶ Yanglu, hiwui apongli ithumna Epharathahli shai, Jaarwui luili ithumna chi samphanga.

⁷“Ithum awui pamkhavaili vausa; apheizingli ithum akhorumsa!”

⁸Ngakarthuilu, O PROHO, kala nawui ngasāmkhui khavaipamli vaulu, na kala nawui pangshapa oko eina ngasoda.

⁹Nawui pāngmonbingna khamashung khangarong eina chonvai sāranu; nawui katharabing khamathānwui vang vaoranu.

¹⁰Narao Davidwui mangā eina, thao neomi kahaiawui mai mangareithuimihaialu.

¹¹ PROHOna Davidli kachangkhat ngashita, chiwui eina ana masa̱na̱ungmara: “Nanao akhali ina nawui wungpamli chipamra.

¹²Nanao ngarāna iwui tuingashit kala ina athumli tamchitheiki kaji chi athumna mayonakha, athumwui naomayara ngarāla nawui wungpamkhongli pamchingra.”

¹³Kaja PROHOna Zionli kapangkhuihaira; awui pamkhavaiwui vang ningchanga.

¹⁴“Hi katang mavaila iwui ngasām khavaina; hili ina pamra, kaja ina hi ningchānga.

¹⁵Kashakazā shokkhavai mavātlakla ina somira, awui kachāmabingli ina thotinghai ngasakra.

¹⁶Awui pāngmonbingli ina huikhami eina sāri ngavaimira; kala awui katharabingna khamathānwui vang vaora.

¹⁷ Chili ina Davidwui vang angaji akha shokngasakra; iwui thao neomi kahaiawui vang thaomei akha ngarānmihaira.

¹⁸Ali yangkashebingli ina maikashi eina sāri shaksāmira, kha awuitungli awui kuihon hānkhailakra.”