Read Tangkhul Naga LAA 136 Bible Online

LAA 136 - Tangkhul Naga bible

LAA 136

¹ O PROHOli ningkashi milu, kaja a kaphaana, awui makhangachei leikashi katang mavaimana.

²O varebingwui Vareli ningkashi milu, kaja awui makhangachei leikashi katang mavaimana;

³O prohobingwui PROHOli ningkashi milu; kaja awui makhangachei leikashi katang mavaimana;

⁴hakkhamahā matakhak kahai kasaa chimāngli, kaja awui makhangachei leikashi katang mavaimana;

⁵ theishingkakhui eina kazingram kasaa chili, kaja awui makhangachei leikashi katang mavaimana;

⁶ tara̱tungli okathui phayaikhavaa chili, kaja awui makhangachei leikashi katang mavaimana;

⁷ horchamri kahai kahor kasaa chili, kaja awui makhangachei leikashi katang mavaimana;

⁸ngashun zimikna mungkhavai kasaa chili, kaja awui makhangachei leikashi katang mavaimana;

⁹ngayā mungkhavai kachāng sirā kasaa chili, kaja awui makhangachei leikashi katang mavaimana.

¹⁰ Egyptwui naochizai sākathata chili, kaja awui makhangachei leikashi katang mavaimana;

¹¹ kala athumwui alungwui eina Israelli khuishokhame chili, kaja awui makhangachei leikashi katang mavaimana;

¹²kapanga pāng eina pāngthei katingda kankashoka chili, kaja awui makhangachei leikashi katang mavaimana;

¹³ Red Sea ngalākpak khangasaka chili, kaja awui makhangachei leikashi katang mavaimana;

¹⁴kala chiwui alungli Israelli kānkā khangasaka chili, kaja awui makhangachei leikashi katang mavaimana;

¹⁵kha Red Seali Pharaoh kala awui ashangva̱li yuikhame chili, kaja awui makhangachei leikashi katang mavaimana;

¹⁶awui mili lamhāngli peichaoda thānkhame chili, kaja awui makhangachei leikashi katang mavaimana;

¹⁷kahaka awungabingli sākathata chili, kaja awui makhangachei leikashi katang mavaimana;

¹⁸kala aming kazata awungabingli sākathata chili, kaja awui makhangachei leikashi katang mavaimana;

¹⁹ Amorwui awunga Sihonli, kaja awui makhangachei leikashi katang mavaimana;

²⁰ kala Bashanwui awunga Ogli, kaja awui makhangachei leikashi katang mavaimana;

²¹kala athumwui ngalei shimlui sāda kākhangasaka, kaja awui makhangachei leikashi katang mavaimana;

²²awui rao Israelli shimlui kākhangasaka chili, kaja awui makhangachei leikashi katang mavaimana.

²³Ithum ngazanlakha phaningungkhame chi a laka, kaja awui makhangachei leikashi katang mavaimana;

²⁴ithumwui yangkashebingwui eina ngatangkhame, kaja awui makhangachei leikashi katang mavaimana;

²⁵asā khavai saikorali kashakazā mikazaa chili, kaja awui makhangachei leikashi katang mavaimana.

²⁶O kazingramwui Vareli ningkashi milu! kaja awui makhangachei leikashi katang mavaimana.