Read Tangkhul Naga LAA 16 Bible Online

LAA 16 - Tangkhul Naga bible

LAA 16

¹Ili khamayonmilu, O Vare, kaja ina nali ngayinkhui.

²Ina PROHOli hānga, “Na iwui PROHOna; nawui eina ngateida iwui kaphā maleimana.”

³Ngalei hiwui katharabing chi khamashungana; athumli iwui ningyāngkhaung lei.

⁴I maningla vare khangatei kapangkakhuibing, athumwui kakhanang mataisangkhuia; athumwui asheewui ra̱shakchigat ina maheitāmimara! lah athumwui mingla imorchaili masingmara.

⁵PROHO iwui kapangkhui kahai yarna kala ili chipemkhamena; iwui kashi kaphārin nawui pāngli lei.

⁶Iwui vang ramthari ringkaphā pammāngli ungtai, mha, iwui shimlui mathālaka.

⁷Ili machinkhame PROHO chili ina sochikata, ngayāshongla iningna ili tamchithei.

⁸ Atam kachida PROHOli ina imangāli haichinga; khikhalajila A iwui yāshong lei, ili manganung ngasakmara.

⁹Chiwui vang eina ining ringphai, imanglāna mathāna; kala iphasāla ninganungkhung eina okthuiya.

¹⁰ Kaja nana ili Kazeiramli machihovamana; nawui kathara chili Chomli mavāngasakmana.

¹¹Nana ili kharinga apong chitheimi; nawui mangāli khamathān pemtinghai, nawui yāpangli katang makhavai ringkaphā lei.