Read Tangkhul Naga LAA 2 Bible Online

LAA 2 - Tangkhul Naga bible

LAA 2

¹ Yurbingna khisāda tui suikhala, kala mibingna khisāda aremali makaphā ngarānkhala?

²Okathuiwui awungabingna athum khalatta chipama, kala ngalei khamungbingna tui ruma, PROHO eina awui thao neomi kahaiali mamayāla hānga,

³“Aniwui khangashik sākhaimihaida, ithumwui eina aniwui khara̱ chi katathaosa.”

⁴Kazingramli kapama ana mana̱ya; PROHOna athumli mana̱shiya.

⁵Chiwui thili awui malungkhavāt eina athumli hāngra, kala malungkhavāt lungli ngachee ngasakta hāngra,

⁶“Iwui kathara Zion kaphungli, ina iwui awunga chipamhaira.”

⁷ PROHOwui hukhum ina hāngra: Ana ili hānga, “Na inaomayarana, aja I nawui avāva̱ ngasāhaira.

⁸ Ili polu, chieina yur saikora ina nawui shimluikat sāngasakra; kala okathui vākatangbing nawui ngasā ngasakra.

⁹ Nana athumli mari khāmshui eina shaokhaida, hamkasaawui ham thāda akha̱ sāda shirkhaira.”

¹⁰Chiwui vang eina ara, O awungabing, thangmeilu; O ngalei khamungabing, ning ngasharlu.

¹¹KHANGACHEE EINA PROHOli otram ngatha̱lu; kathirriri eina

¹²apheili maya̱lu, maningakha a malungvāthaida, nathum kashuirak thipaishina; kaja a malung thuithaklāka. Ali ngayinkakhuibing sokhamina.