Read Tangkhul Naga LAA 41 Bible Online

LAA 41 - Tangkhul Naga bible

LAA 41

¹Kachāmbingli phaningkhamibingli sokhami ngasāranu! Kakhanang atamli PROHOna athumli khāngshokmi.

²PROHOna athumli mayonmida ringngasaka; kala ram chili athumli sokhami da hoi, nana athumli yangkashewui ningkachāng chili mahorsangmihaimana.

³Athumwui kakazā petli PROHOna athumli yangmi, kala athumwui kakazā chili nana athumwui kakhanang saikora raimi.

⁴Iwui vanga ina hānga, “O PROHO, ili khalumashanmilu; ili raimilu, kaja ina nali mamayāla morei sāhaira!”

⁵Iwui yangkashebingna ningkhāda “A katharan thida aming shimānrakhala?” da hānga.

⁶Mina ili samphang khavai kharā tharan awui ningli zakkashi kazipsanghailaga ana makakachang tuimang matui; ana ayarli kashok tharan, chi kayāng khamashāli hāngzata.

⁷Ili yangkakharingbingna iwui pongli suisāda kasup ngaruma; athumna iwui vang zakshimeikap kaji chi phaninga.

⁸Athumna, “Thikapai otna ali katanshānhaira, a pida khalei chiwui eina mangakarthuiluimara” da hānga.

⁹ Ina shitkasanga iwui khamashita ngasotnao, iwui zāt kazā ā eina tangda, ili mamayāla aphei khānghaira.

¹⁰Kha, O PROHO, nana ili khalumashanmiphalungda, ili khāngmathotmilu, athumli athut khuiga!

¹¹Nana ili ningyangunga kaji hieina ina thei, kaja yangkashena iwuitungli mayuimana.

¹²Kha iwui ningsā khangazipwui vang ili nana khāngkhaningmi kala nawui ngalemli ili haimichinga.

¹³ Israelwui PROHO, Vare chili, katang makhavaiwui eina katang mavaila sochingranu! Amen! Amen!