Read Tangkhul Naga LAA 49 Bible Online

LAA 49 - Tangkhul Naga bible

LAA 49

¹Hi nganālu, yur saikora! Nashunglu, apuk-apagali khalei mi saikora,

²khareila kateola, kachāmala kashāngala!

³Ikhamorna thangkhamei tui matuira, iningli khamachuk chi theishingkakhuina.

⁴Chānjamwui tuili ikhanā nāshungra; iwui pakhon lyre eina ngasoda hāngchitheira.

⁵Kakhanang atamli, ili rekakharekbingwui makaphāna kuinam kahai tharan, ina khiwui vang ngacheerakhala,

⁶khalattawui lanli kachihānbing kala lan makhavātwui langkasobing chiwui vang khisāda ngacheera?

⁷Kachangkhata, khipānakhala khalatta mangatangkhuirarmara; maningkha amanglāwui vang Vareli aman mamirarmara,

⁸kaja amanglāwui ngatangman saklaka, kalikha mashaplakmara,

⁹kaja ana ringchingda chom chi matheilakmara majirarmana.

¹⁰Mha, thangkhamala thi kaji ana theira, mangkhama̱ eina makhanganingala khanini shimānra; kala athumwui lan kateili haimira.

¹¹Lam athum khalattawui aming phoklala, athumwui somkhavai pam thothotwui vāngna, athumwui chikhur athumwui shim sāchingra.

¹²Mina awui kashang-kharei eina maokthuirarchingmara, ava shimānhaoki kaji sāyur kathāna.

¹³Hi mangma̱sak eina shitkasangbingwui kalāna, kachichāwui yarli ringkaphābingwui akatangana.

¹⁴Yao thāda athum Kathewui ramwui vang ngarān kahaina; Kathe china athumwui kahoma sāra; chikhurli ngatarda athum tāzangra, kala athumwui phasā shimānhaora; Kathewui ram chi athumwui shim ngasāra.

¹⁵Kha Kathewui ramwui pangshapwui eina Varena imanglā ngatangkhuimira, kaja ana ili khuisangmira.

¹⁶Mi akha kashāng tharan, ashi shimkhurwui tekhamatei mataikasang tharan, mangacheelu.

¹⁷Kaja a kathi tharan ana khikha maphungvāmara, awui tekhamateina awui thili mashurvamara.

¹⁸A ringlakha ringphai da akhalatta shānkhuilala, a khalattawui vang khamathā kasā tharan mina solala,

¹⁹kahora matheiluilaki kaji avāva̱ ngarāwui ngalemli ana vāra,

²⁰Mina awui hekhamahei chieina okthuiching majirarmara, ava shimānhaoki kaji sāyur kathāna.