Read Tangkhul Naga LAA 59 Bible Online

LAA 59 - Tangkhul Naga bible

LAA 59

¹O iwui Varivara, iwui yangkashebingwui eina ili kakhāngshokmilu, ili mamayāla ngakarkathuibingwui eina ngākmilu,

²makaphā ot kasābingwui eina ili kanmilu, kala ashee ra̱kachanga mibingwui eina ili huimilu.

³Kaja yanglu, athumna imanglā khuikida rimda lei; sākashe mibing athum khalatta ngarumda ili ngasunga. O PROHO, iwui khayonkhamāngwui vangla maning, moreiwui vangla maning,

⁴iwui khangui maleila athumna ili sākida yunzatli. Na ngakarthuida rāngachonmilu, kala khayangmilu.

⁵Na, ashangva̱wui Vare PROHOna, Israelwui Varena. Miyur saikorali tandi mikhavai thuimilu; makaphā sāki kajebing akhala mataihaialu.

⁶Ngazin kachida athumna hanunglaga keinung kuimareida fa thāda khongzata.

⁷Athumna khamor eina khongzatta morchai eina nira, kaja “Khipāna ithumli shārakhala?” da athumna phaninga.

⁸Kha, O PROHO, athumli nana mana̱shiya, yur saikorali nana mana̱rora.

⁹O iwui Pangshapa, ina nali masotlaa sāra; kaja O Vare, na iwui raipanna.

¹⁰Makhangachei leikashewui alungli iwui Varena ili ngachonmira; yangkashebingwui maikashi chi ili iwui Varena ngashān ngasakra.

¹¹Athumli masāthathaialu, iwui mibingna malaihaipaishina; nawui pangshap eina athumli yuichachang zatngasakta nemphak tāngasaklu. O PROHO, ithumwui chāngvei!

¹²Kaja athum khamorwui morei, athum morchaiwui tui, athumwui langsotli manranu. Kaja athumna kapikta khonkashiwui vang,

¹³lungvāt eina athumli shimān ngasaklu, athum makupranglakha eina tangda shimān ngasaklu, chieina Jacobwuitungli okathui peida Varena munga kaji mina theikhuira.

¹⁴Ngazin kachida athumna hanunglaga keinung kuimareida fa thāda khongzata.

¹⁵Athumna kashakazā kuimareida phāzatlaga masamphangakha nira.

¹⁶Kha ina nawui pangshapwui vang laa sāra; makhangachei leikashiwui vang ina ngathorshong laa sāra. Kaja nana iwui kakhanang atamli iwui ngayin khavai raipan sāmi.

¹⁷O iwui Pangshapa, ina nali masotlaa sāra. kaja, O Vare, na iwui raipanna, ili makhangachei leikashi chitheikhame Varena.