Read Tangkhul Naga LAA 6 Bible Online

LAA 6 - Tangkhul Naga bible

LAA 6

¹ O PROHO, nawui malungvāt eina ili makhararmialu, kala malungkangda marākmialu.

²Ili khalumashanmilu, O PROHO; kaja I reorangdalei, O PROHO, ili raimilu, kaja iwui ara̱kuibing tāchokhaira.

³Iwui manglāla khananglākhaira. Kha na, O PROHO kharankha ngaraifarakhala?

⁴Ngareiungmilu, O PROHO, imanglā huimilu; nawui makhangachei leikashiwui vang, ili khāngkhuimilu.

⁵Kaja kathiliva nali phaningkhaung maleimana; Kathewui ramli, nali khipāna masotchigatra?

⁶Iwui ringkhangāna I khananghaira; ngayā kachida chāra̱na iwui pet nima; iwui khumkuila yasophai.

⁷Kakhanangwui vang imik matheithura, yangkashebingna chotkhangasakwui vang, imik ngazanmamānhaira.

⁸ Makaphā kasā nathum saikora, iwui eina yāmthulu; kaja PROHOna iwui kachapkhon shāmihaira.

⁹PROHOna iwui kapo shāmihaira, PROHOna iwui seihā kasā khuisangmi.

¹⁰Iwui yangkashe saikora khayakhaora kala khananglākhaora; athumna ngareithuihaora, kala ngalāngda maishingasakhaora.