Read Tangkhul Naga CHĀNSAM 11 Bible Online

CHĀNSAM 11 - Tangkhul Naga bible

CHĀNSAM 11

¹Makhamashunga khāntam PROHOwui mangāli ningkakachai otna, kha khamashunga khāntam awui ringkaphāna.

²Lāngkaso zangkahai tharan, maikashi shoka; kha malungkhanimali thangkhamei ngasoi.

³Mashungrik kahaiwui ningsā khangazipna athumli thānmi, kha makhangatunwui kha̱khamakhei china athumli sākazama.

⁴Malungkhavat atamli lanwui kānkhanā maleimana; kha khamashung khangarongna kathiwui eina kanmi.

⁵Shāt makakāwui khangarong china awui apong ngarongngasaka, kha makhayā ana awui makaphā makhayā eina thi.

⁶Mashungrik kahaiwui khangarong china athumli kanshokmi, kha mikhanamli athumwui khamathangna tuknarhai.

⁷Makhayaana kathi tharan, awui kachihān shimāna, kala shitkasang makhalei miwui ningkashai arema sāthuihaowa.

⁸Khangarongali kakhanangwui eina kanshokmi, kha makhayaana chiwui alungli zangtha̱ya.

⁹Shitkasang makhalei miwui khamor eina awui khongnaili shimān ngasaka, kha awor eina khangarongali kanshoka.

¹⁰Khangarongbingna ringkaphā tharan, keinung chi mathāna; kala makhayā kashimān tharan khamathān akhon vaowa.

¹¹Mashungrik kahaiwui sokhamina keinung khayā kāngasaka, kha makhayāwui khamor eina kongkhalui samphang ngasaka.

¹²Khongnainaoli makachāpa chi ning makazangna, kha theishingkakhui mina kasaikha pama.

¹³Chānpao phungkazata thāda kuimareikazata china khangathum tui phongsera, kha shitsangkapai mi china thumhai.

¹⁴Chiza̱khame maleiakha mibing konglui; kha machinkhame makhavāt tharan ning taphuphai.

¹⁵Makathei miwui vang nganingkhame a china chiwui vang ningkharik phalungra; kha nganingkhami maningkachānga a chi ning tāphuphai.

¹⁶Lumashankatha sha̱nao masot samphanga, kala sākashe mibingna kashāng samphanga.

¹⁷Lumashankatha mi akhalatta kānkhanā samphanga; kha sakashe mi akhalatta saza̱khui.

¹⁸Makhayaa mina kakapika ngalangman pheikhui, kha khamashung khangaronga khayao mi china makahatlak kaji sāman samphanga.

¹⁹Khamashung khangarongli nganingtit kaje china ringra, kha makaphāli kakharoma chi thira.

²⁰Ningkhamakhui mi PROHOwui miktāli ningkakachai otna, kha shāt makakā athum awui ningyangkhaungna.

²¹Theishingkhuilu, makaphā mili kashong marāngla mathui ngasakmara, kha khangaronga athumli kanshokmira.

²²Kashi-kaphā makatheiya ngalā khamathāva chiya, hok morsoli sinā unra̱ sangkahai kathāna.

²³Khangarongawui ningkachāng chi khamathāmāng eina tanga, makhayāwui ningkashai chi malungkhavāt eina vai.

²⁴Thada khame china shāngsanga; miphalungki kaji makhame a chiya khavāt samphanga.

²⁵Pāng katonga mili shāngngasakra, tara̱ chaikhame a chili chaimira.

²⁶Zāt makachishota mili mibingna khonshi, kha yorkhame chiwuitungli sokhami lei.

²⁷Ningsanglak eina kaphā phākazata a china ngahānkhangai phāzata, kha makaphāli kaphā mi china makaphā samphangpapama.

²⁸Khalattawui kashāngli shitkasanga a chi ngahuihaora, kha khangarongana khamateka thingnā thāda timpamra.

²⁹Shimkhurli rotmarāt khangasaka china khamasai samphangra, kala mangkhama̱ china thangkhamawui rao sāra.

³⁰Khangarongawui atheiva mirinwui thingrongna, kha ain makhangākana manglā khui.

³¹ Khangarong mili okathuili athut khuiakha, makhayā kala morei kaphungali kayākha mataida khuira?