Read Tangkhul Naga CHĀNSAM 20 Bible Online

CHĀNSAM 20 - Tangkhul Naga bible

CHĀNSAM 20

¹Zam hi mana̱kashena, zamshei hi khonkazār khangashaona, kala china thānthui kahai mi mathangmeimana.

²Awungawui meichot malungkhavāt chiya kazingkha̱ kakhangang kathāna; ali malungvātkhangasaka chi manglā shimāna.

³Khanganangwui eina tākathuia mi chi khayākakāna; kha mangkhama̱ kachiva̱na kaharpamra.

⁴Chāngshena luisao atamli masaosangmana, ana māhātli phāda khikha masamphangmara.

⁵Miwui ningli kharin hi kathuka tara̱ kathāna, kha theithangkhama mina chi khuishokshapa.

⁶Mi kachungkhana khalattawui khamatha vaozata; kha ningkatonga mi khipāna samphangshapra!

⁷Khangarong mina ningsāngazipta zatakha— naoda naongarā mahai!

⁸Bichar wungpamkhongli kapama awungana awui mik eina zakkashi [8] saikorali mā kaham thāda hamshoka.

⁹“Ining tharngasakhaira; I moreiwui eina tharzāhaira” da khipāna hāngshapra?

¹⁰Makhamashung khāntam, makhamashung napon, khanini ngaraichada PROHOwui mangāli yangkakharing otna.

¹¹Naoshinao akha eina tangda akhalattawui otsak eina chithei, ana sāda khalei chi khamashungna katharna kajila.

¹²Shākhavai khanā, theikhavai mik khanini PROHOna sākahaina.

¹³Kapili malungmachāngalu, chām rāpaishina; namik raklu, chieina na kashakazā kachungkha samphangra.

¹⁴Khaloapana, “Hi maphāmana, hi maphāmana” da hānga, kha ana thuikahai tharan, ana lāngsoi.

¹⁵Sinā kala makhavāta aman kasaka ngalungla lei; kha theithangkhameiwui morchai aman kasaka chāra̱-chāsānna.

¹⁶Makatheiawui vang nganingkhami tharan awui kachon akha khuilu, kala lamkatā miwui vang nganingkhami tharan awui eina khangashit khuihailu.

¹⁷Kapikkazā kashakazā shimlāka, kha naoda akhamor lunghaila pemra.

¹⁸Ngarān kahai chi ngasan khangarok eina sakai; thangkhamei thānkhami eina rai vai.

¹⁹Misui sākazat mina khangathum phongshoka, chiwui vang mangma̱lak eina kahāngbingli mangayuralu.

²⁰Avāli nilala, ava̱li nilala khonshiakha, awui thaomei shimitmihaida tangmangtinghai ngasakra.

²¹Haokaphokli thāklāk eina mathuikakhui lan mazāpong ngayaomana.

²²“Ina kashi [9] hanmira” da mahāngalu, PROHOli ngarailu, ana ngachonmira.

²³Makhamashung khāntam PROHOwui mangāli ningkakachaina, makhamashung sheron maphāmana.

²⁴Miwui pheikār PROHOna ngarān kahaina, chithākha mina awui apong kathāda theira?

²⁵“Hi katharna” da hāngphāphā kaji, kala tuingashit khuikahaiwui thili chukmajanao kaji hi awui vang khalenna.

²⁶Thangkhamei awungana makaphābingli hamshoka, kala akāng athumwuitungli taka.

²⁷Miwui manglā PROHOwui thaomei na, awui thukmeikap kaja alung saikora phai.

²⁸Khangavap kala ningkatongna awungali phārimiya, kala khamashung khangarongna awui wungpamkhong lungkhangasakna.

²⁹Yaronnaobingwui tekhamatei hi athumwui yāngna, kha kasarsam hi khararnaowui khamathāna.

³⁰Khamā za̱da shirkhamina kashi thuingasaka, kashaona kathuka alung tharngasaka.