Read Tangkhul Naga CHĀNSAM 9 Bible Online

CHĀNSAM 9 - Tangkhul Naga bible

CHĀNSAM 9

¹Thangmeina awui shim sākhui, ana awui pākra̱ shini shunhaira.

²Awui sā taithathaira, awui ra̱shak-shirei ana manāthaira, awui tablela ngarānhaira.

³Keinung apam juikhamataibingwui eina ahokhui khavai, rao sha̱naobingli chihohaira,

⁴“Ningkashambing saikora, hili rāranu!” Ningmakhaleibingli ana hānga,

⁵“Rālu, iwui kashakazā zalu, kala ina manāt kahai ra̱shak-shirei rāmanglu.

⁶Ningkasham chihohaida okthuilu, kala theishingkakhuiwui apongli zatlu.”

⁷Mana̱shikatha̱ali hāngkhamachin akhalatta tui pokhui, kala makaphā makhayā mili khamachina a chi khamā za̱khui.

⁸Mana̱shikatha̱ali machinakha nali ningkachaira, thangkhamali hāngmachinakha ana nali leishira.

⁹Thangkhamei mili hāngchitheilu, chieina a thangmeimeiluira; khangaronga mili tamchitheilu ana chungmeida tamkhuira.

¹⁰ PROHOli khangachee hi thangmei haokaphokana, kala Katharapawui awor chi theishingkakhuina.

¹¹Kaja iwui mangā eina nawui atam mataisangra, kala nawui mirinli zingkum ngarumsangra.

¹²Na thangmeiakha, nakhalattawui vang thangkhameina; nana mana̱shiakha, chi nakhalatta phungra.

¹³Mangkhama̱ sha̱nao khonzāra, maphākakhuiana, kala kakhayakla matheimana.

¹⁴Ana awui khāmongpheili pama, kala keinungwui apam kajujuili pamda,

¹⁵rākakānbingli hoi, shongfa ngarongri eina kazatbingli,

¹⁶“Ningkapai saikora hili rālu!” Kala ning makhaleiya mayara chili sha̱nao china hithāda hānga,

¹⁷“Likhamang tara̱ shima, kala ngathumda kazā zāt ngayama.”

¹⁸Kha kathebing chili lei kaji ana matheimana, kaja sha̱naopava̱wui mibing kathuka Kathewui ramli lei.