Read Tangkhul Naga SOLOMONWUI LAA 3 Bible Online

SOLOMONWUI LAA 3 - Tangkhul Naga bible

SOLOMONWUI LAA 3

¹Ngayā iwui pettungli imanglāna leikashe ali phāzata; ina ali phai, kha ali masamphang; ina hoi, kha ana mangahuimana.

²“I ara ngakarthuiura kala keinungli, chanreili kala shongrāli imanglāna leikashe ali phāvāra.” Ina ali phai, kha ali masamphangmana.

³Khamayonabingna ili samphanga, athum keinungli yaozatlakha. “Imanglāna leikasheli nathum katheila?”

⁴Athumli ina kanthuichamlaga, imanglāna leikasheli samphanga, ina ali yonkhuida ishava̱wui shimli, ili vaikhui khavai kāli mathanungranglakha eina tangda machihomana.

⁵O Jerusalemwui naongalāva̱bing, seichui kala ramwui chaonaowui mingsinda kahāngna, leikashi ningyāng maungranglakha, makharakmilu, khamathotla mamathotmialu.

⁶lamhāngwui eina rākharā, meikhut khangapān kathā, nganamkaphā myrrh eina frankincense eina ngasoda, leihkhalonbingwui nganamkaphā katonga chi khikhala?

⁷Yanglu, hi Solomonwui dolaina! Israelwui kapangabingwui ngachaili pangmeikap kaje mi hangtharuk zatta lei,

⁸saikora raighai thāngripa, rai kapingbing, mi kachiva̱ raighai ghaishāng tāshungda ngayā rairim pama.

⁹Awunga Solomonna Lebanonwui thing eina awui vang dolai sākhui.

¹⁰Chiwui aphei lupāsā eina, akhum sinā eina, pamkhavai mayingrisi hungrisi eina; alungshong leishilak eina Jerusalem naongalāva̱bingna sāsanga.

¹¹O Zionwui naongalāva̱bing, vaulu, kala Awunga Solomonli ayanglu, awui ngalā shakzāthang awui ning ringkaphā zimikli, ava̱va̱na ali ngahonkhami kuihon khangahon chi.