Read Tangkhul Naga SOLOMONWUI LAA 6 Bible Online

SOLOMONWUI LAA 6 - Tangkhul Naga bible

SOLOMONWUI LAA 6

¹Sha̱naobingwui ngachaili mathāmeikap kajiva̱, nawui leikashe kali vāhaokhala? Nali ngasoda ithumna ali phākhavai, nawui leikashe kachishong vāhaokhala ithumli hānglu.

²Iwui leikashe awui yāmguili vāhaira, balsamthing thuikhavai yāmguili. Ana awui yaoshangli yāmguilungli phāshai ngasakta lei, kala timrāwon ahekhaira.

³I hi iwui leikashiawuina, kala a iwuina; a awui yao timrāwon pamli hompama.

⁴Iwui leikashiva̱, nava Tirzah thāda mathai, Jerusalemwui ningshāt thai, philān kasing raimi thāda khangachee azakna.

⁵Iwui eina namik ngareithuihaolu, kaja ili china vaishi ngasaka— Nakuisam Gilead kaphungli me ashangva̱ kazat thai.

⁶Nahāna, yaova̱bing anao makashuma, khanini ngathānkazata ra̱vailaga kashok thai.

⁷Namaisor kabothei ngakaipak kahai thai, namai mairār alungli.

⁸Awungva̱ hangtharuk, angashirva̱ hangchishat, kala mashankharar ngalānao lei.

⁹Iwui nāsha̱nao, iwui kākashungva̱, ava̱va̱wui khalumva̱ akhamānga; khangakhai makhaleiva̱na pharākhui. Ngalānaobingna theilaga ali ringkaphāva̱ hoi; awungva̱bing kala angashirva̱ ngarānala ali sosera.

¹⁰“Ngathor kazingkathang kathāva̱, kachāng thāda yangkhangaiva̱ zimik thāda kahorva̱, raimi thāda sākashe philān kasinga kathāva̱ chi khipākhala?”

¹¹Ina theiga̱thei yāmguili vai, tampākwui wonshivar yangkhavai, drakhāthei ashon mashokphokhairakhala da, kabothei mawonphokhairakhala da yangkhavai.

¹²Ina khikha matheiranglakha, wungnao akhali ngasoda, siguigarili pamkharum iwui ningli machuka.

¹³Latunglu; latunglu, O Shulamnao, latunglu, latunglu, ithumna nali khayangkhuiga. Raimi khani ngachaili pheichak kachak thāda, khisāda Shulamnao chili yangrakhala?