Read Tangkhul Naga SOLOMONWUI LAA 7 Bible Online

SOLOMONWUI LAA 7 - Tangkhul Naga bible

SOLOMONWUI LAA 7

¹Naphei pheihop teokha tongngayili O awungva̱ kathava̱! khanguma nakhaishāng khanganee kathemana sākakhui chāra̱-chāsān thai.

²Nahaitong drakhāra̱ mavatlak kaje khoramnaona, nawukva timrāwonna kuinam kahai kehu mathun kahaina.

³Nasungthei khanini chaonao khani, ngashirkatā thai.

⁴Nakahung mafahāwui dolan thai, namikna Bath-rabbim ngaveiwui Heshbon ra̱khong thai. Nanātāng Damascus ngashāntāp kaje Lebanonwui dolan thai.

⁵Nakuina nali Carmel kaphung thāda ngahonmi, nawui mengjin kahai kuisamna khanganaiya kachon thai; Nawui sam theilaga awungala mayāmrarmana.

⁶Na teokha ngatikrihaikhala, O leikashiva̱, yangkhangaiva̱!

⁷Asho-alep khaneirong mangatei! Nasungthei khaneithei mazān mangapei!

⁸Khaneirongli yakkāda ina aphāng kāyonkhuira da ina hānga. Iyāvo, nasungthei che drakhāthei mazān mathāphalung! kala nakhakkhā theithukthei khut mathāphalung,

⁹nawui maya̱kakhui ahā eina morchaili nganaiyok eina mathāmeikap kaji drakhāra̱ longkatā thai.

¹⁰I iwui leikashewuina, kala awui malungkachāng ilina.

¹¹Rālu, iwui leikashe, ini luili yaothuisa kala kha̱kha̱li zunvāsa;

¹²ngathorthakva̱ drakhā yāmguili vāda ashon mashonhairakhala ayangsa; drakhārong awon mangachakkhaihaira kala kabotheila mawonhairakhala? Chili iwui leikashi nali chitheira.

¹³Mandrake nganamphokhaira, athei kadharla, kachamla athei shaikaphā saikora khāmongpheili iniwui vang ina kaziphaira, O iwui leikashe.