Read Tangkhul Naga ISAIAH 12 Bible Online

ISAIAH 12 - Tangkhul Naga bible

ISAIAH 12

¹Chithang nana hāngra: “O PROHO, ina nali ningkashi mira; kaja ili nana malungvātsālala nawui malungkhavāt ngalanthuihaowa, kala nana ili ninglum ngasaka.

² Yanglu, Vare iwui huikhamena, ina shitsangda mangacheemara; kaja PROHO VARE iwui yāngna kala iwui laana; kala ana iwui huikhame ngasāhaira.

³Khamathān eina ngasoda nana huikhami ra̱khongwui eina tara̱ sokkhuira.”

⁴Kala chithanghon nana hāngra: “PROHOli ningkashi milu, amingli vaolu; awui otsak yurbingli chitheilu, awui mingkhamayāng vaomalānlu.

⁵PROHOli masotlaa sālu, kaja ana tekmateilak eina sāhaira; okathui saikorali hi theingasaklu;

⁶Vaolu kala khamathānwui vang laa sālu, O Zionli kapambing, kaja nathumwui alungli Israelwui Kathara chi hakmahālaka.”