Read Tangkhul Naga ISAIAH 20 Bible Online

ISAIAH 20 - Tangkhul Naga bible

ISAIAH 20

¹Assyriawui awunga Sargonna raimi katongawui akhavāli chihokum Ashdodli vai kala aramli rai angararda khuihaowa.

²Atam chitharan PROHOna Amozwui naomayara Isaiahwui khamor eina hithāda hānghaisai, “Nawui borakachon shānneira̱ khalāhailaga, kala nawui pheihopla khuishokhailaga zatlu”, kala ana chithāda sai, pheihop masangla khamahong eina zata.

³PROHOna hānga, “Iwui rao Isaiahna, Egypt eina Ethiopiawui machutkhui khavai kum kathum mahonghat eina zatkahai thāda, Egyptli khayak ngasak khavai

⁴Assyriawui awungana yuikhui kahai Egyptnaobing eina Ethiopianaobing raithā kahai khararnaosan mateila mahonghat eina arangphāng thatheida thānzatra.

⁵Chitharan athumwui kachihāna Ethiopia eina athumna langkaso Egyptwui vang eina athum ning suitāhaora.

⁶Kala shamadrupheili kapama mibingna chitharan hāngra, ‘Yanglu ithumna kachihāna kala Assyriawui awungawui eina kankhui khavai yāmkasanga chili hithāda shokhaira! Thakha ithum kathāda nganaishokrakhala?’”