Read Tangkhul Naga ISAIAH 27 Bible Online

ISAIAH 27 - Tangkhul Naga bible

ISAIAH 27

¹ Chithanghon PROHOna awui khamakanga kala kazana raighai eina Leviathan khayonga phara̱, Leviathan kahaikazata phara̱li tandi mira, kala ana shamadruli khalei dragonli sāthatra.

²Chingthanghon: Leishiri kahai drakhā yāmgui, hiwui laa sālu!

³“PROHO, ina chiwui khamayonana; atam kachida ina tara̱ chaimi; khipanakha masāmashāt khavai, ngashun ngayā ina mayona;

⁴I malung mavātluimana. Ka̱shāt-karengli rai sāki kajisi kaja! I athumli ngasungra, ina athumli meili riktāhaora.

⁵Lha athumna hamsangda, iwui huikhami samphang khavai chingri kahai phāranu.”

⁶Anaolamshong Jacobna angayung sa̱ra, Israelna awon wonda ashon shonra, atheina apuk-apaga pemra.

⁷Shaomi kahaibingli ana shaokhami thāda athumli ana shaohairala? Kala sakathatabingli sākathat thāda athumli sāthathairala?

⁸Kateteo eina nana athumli loi thai; zingshoshongwui masi thāda, awui khangachee khaksui eina kathangthui ngasaka.

⁹Chiwui vang eina china Jacobwui khayonkhamāng shimitmihaora; kala china awui morei khuithuikhamiwui kākashung athei ngasāra. Hanphutwui ngalung saikora akha̱ sāngasak kahai tharan, Asherimwui lah nganamkaphā riktākhavai hanphutla maleisāluimara.

¹⁰Kaja ngavei eina kuinam kahai keinung ngachakyānghaira, mi makapāna, lamhāng thāda ramphohaira, chili seinaona azāt phāzai, chili ana ngayaipida thingphāngla sākazama.

¹¹Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

¹²Chithanghon, Euprates kong eina thuilaga Egyptwui kong tāshungda PROHOna zaira kala nathumli ava̱va̱ eina kazipkhuira, O Israelwui mibing.

¹³Kala chithanghon talla̱khon panglāk kahai akha khongra; kala Assyria ngalei shimān kahaibing kala Egyptwui eina kasham kahaibingna rāda Jerusalemwui kathara kaphungli PROHOli rākhorumra.