Read Tangkhul Naga EZEKIEL 2 Bible Online

EZEKIEL 2 - Tangkhul Naga bible

EZEKIEL 2

¹Kala ana ili hānga, “Miwui naomayara, ngakarthuilu, ina nali ngazekra.”

²Kala ana ili kahāng tharan Manglā china ili zangmida thuinganing ngasaka; kala ana kahāng chi ina shai.

³Kala ana ili hānga, “Miwui naomayara, ina nali ili ngakaikashia miyur Israel mibingli chihovāra, athum kala avāva̱ ngarāna aja eina tangda ngakaishida lei.

⁴Mibing hi achei makathei kala ngakaikashebingmānga: nali athumwuili chihovāda nana hithāda ahāngra, ‘Proho VAREna hithāda hānga.’

⁵Athumna nganāsanglala manganāsanglala, (kaja athum ngakaikashe shimkhurna) marān akha athumwui alungli leihairasai kaji hi athumli theikhuiranu.

⁶“Kala miwui naomayara na, athumli mangacheealu, chili lāngda athumwui tuili mangacheealu; nana ka̱shāt-ka̱renglungli zatlala kala nana seithattungli pamlala; athumwui tuili mangacheealu, kala athumwui azak yanglaga mangacheealu, kaja athum hiya ngakaikashi shimkhurna.

⁷Kala nana athumli iwui tui ahāngra, athumna nganāsanglala manganāsanglala; kaja athuma ngakaikashi shimkhurna.

⁸ “Kha na, miwui naomayara, ina nali kahāng hi nganālu; ngakaikashi shimkhur thāda mangakaishialu, nakhamor makāda ina khami hi shailu.”

⁹ Kala ina khayang tharan, yanglu, mipāng akha ili katingrai, kala yanglu, lairik akhalui akha singsai;

¹⁰kala ana iwui mangāli chi hārchithei; kala chiwui mangāli kala khanukli kapisang kahai thei, kala chili chapkhangachā, sikafa kala kakhanangwui tui kapisanghaisai.