Read Tangkhul Naga DANIEL 12 Bible Online

DANIEL 12 - Tangkhul Naga bible

DANIEL 12

¹ “Atam chitharan nawui mibingli yangkhame khareia wungnao Michael rārāsāra. Kala kachotkachāng atam rāra, yur leikaphok eina thuida atam chi eina tangda, chikathā mashoklakranga. Kha lairikli aming kazanga nawui mibing kachivali kanmira:

² Thida ngaleilungli chizan kahaibing ngakarthuiluira, kaikhana mashimānda okthui khavai, kaikhana maikashi kala katang mavaila ningkachai khavai.

³ Thangkhamabing chiya sirāramwui thāda horra, khamashung khangarongli thānzangkhamebingna mashimānda sirā thāda horshon horthaira.

⁴ Kha na, Daniel, lairik hi mahor namhailaga, tui hi, atam maungshungranglakha thumhaisalu. Kachungkhana theishingkhui khavai phāshang phātāra, kala awor mataisangra.”

⁵Daniel, ina yanga, kala yanglu, khangatei khani nganingkasā thei, akhana kongphei hili kala akhapāna khongpei akhashong da.

⁶Kala kongwui tara̱tungli khanganing, khameng kachon khangavaipā chili ina, “Matakkhak kahai ot hi karankha leifarakhala?” da ngahāna.

⁷ Khamenga kachon ngavaida tara̱tungli khanganinga china yāpang eina uipang kazingram shong khāngkai, mashimānda kharinga chiwui ming singda, atam akha, atam khani kala atam tangkhai leifara da kahāng ina shai; kala katharabingwui pangshap sākazammichang kahaiwui thili ot saikora ungshungra.

⁸Ina shai, kha I bhab matārarthuwa. Chieina ina hānga, “O iwui PROHO, kathāda shokmameirakhala?” da ngahāna.

⁹Ana hānga, “Daniel, ungulu, atam maungranglakha eina tangda saikora hi mahor namlaga haikahaina.

¹⁰ Kachungkhana khalatta tharmathengkhuida, charshi eina kahānla hānra; kha makhayā athum chiya makhayā sāpapamra; makhayā mina theishingkakhui maleilakmara; kha thangkhama athumna theishingkhuira.

¹¹ “Machatlakla rikkatā kachigat chihohaida, shimān khavai ningkakachai ot sākaphok, atam khani hiwui ngachaili zimiksho thingkha shākhani hangchikothang leira.

¹²Zimiksho thingkha shākathum kala thumrāda phangāthang ngaraikhuida okthuikasā athum chi sokhami ngasāranu!

¹³“Kha atam maungranglakha ungngasāmkhuisālu, khangachanga atam ungkashung tharan nawui vang ngarān kahaipam chili thuinganingnaora.”