Read Tangkhul Naga DANIEL 6 Bible Online

DANIEL 6 - Tangkhul Naga bible

DANIEL 6

¹Wungram katonga chi yangkhavai Dariusna satrap shākha maga̱ kapangsanga;

²kala chiwuitungli yangmi khavai khayaiwo kathum phāsanga, chiwui ngachaili Daniel akhana; athumli satrapbingna kashi-kaphā ngasanchinga.

³Satrapbing kala khayaiwobingwui ngachaili Daniel mahomeithuihaowa, khikhalajila awuili hakmahālak kahai manglā lei; chiwui vang eina wungram saikorawuitungli ali chipam khavai awungana khangarān sai.

⁴Chiwui vang khayaiwobing kala satrapbingna wungram Danielwuitungli khayon mikhavai phai; khamashunga, ningtongda shitkasang mi sāthuihaoda khayon khikha masamphangmana.

⁵Chieina athum ngazek ngarokta, “Awui Varewui ningkhami pongli maningla Danielli khayon khangatei masamphangrarmara” da hānga.

⁶Chieina khayaiwo kala satrapbing china khangashit akha sālaga awungali ahānga, “O awunga Darius! okpeimeiranu!

⁷Zimiksho thumrāthang, awunga nali maningla kachikathana vare khangateibing lah mi khangateili ngakaoakha kazingkha̱khurli horsangra kaji hukum akha sāmiranu da khayaiwobing, satrapbing, machinmebing, kala lammungabing ithum saikorana mayāngarokhaira.

⁸Chiwui vang eina O awunga, Medes eina Persiawui khangachā athishurda hukum akha sālaga, chi makai khavai shoi kasāmilu.”

⁹Chiwui athishurda awunga Dariusna shoi sālaga hukum mihaowa.

¹⁰Kakaso shoi sāhaira kaji theilaga Danielna awui shim mathāng atoli kāda, Jerusalemshong khalei charfa ngalemli khuktida Vareli ningkashi eina thangkhali kathumshida khangachā makailakla seihā sāchinga.

¹¹Khangashit sākahai athum china, Danielna Vareli khokharum seihā kasā chi atheihaowa.

¹²Chieina athumna awungawuili vāda hiwui apongli ahānga, “O awunga! Kachikathā mina nali maningla, varebingli, lah mi akhali khorumakha chikathā mili kazingkha̱khurli horsanglu da nana shoi sākahai maningmala?” Awungana ngahānkai, “Medeswui kala Persiawui ain athishurda hāngkahai chi makailakmana, sakakhaila masākhaipaimara.”

¹³Athumna awungawui mangāli ngahānkai, “Judahwui eina raikathā atamili khuikharā Daniel kaho china nali mashitsangmana O awunga, kala nana shoi sākahai chili matheimila thangkhali kathum shida awui Vareli seihā sāchingda lei.”

¹⁴Tui chi kashā tharan awunga wukkhanangnāhaowa, kala Danielli kanshok khavai awungana kazing khaying eina tangda khangarān sai.

¹⁵Chiwui thili khangashit sāngarok kahaibing china awungali ahānga, “Theimilu, O awunga, kaja Medes kala Persiawui ain athishurda awungana hukum lah khak tākahai chi mangacheipaimana kaji nana thei.”

¹⁶Chiwui thili awungana kasoda Danielli kazingkha̱khurli horsanghaowa. Awungana Danielli hānga, “Nana thangkachida kaphaninga nawui Varena kanmiranu.”

¹⁷Chiwui thili akhur chi lungriham akha eina shungphinhaida awungana shoi khutop eina mahor namphina, khikha mangachei khavai wungnaobingwui shoi khutop eina mahor namshānsera.

¹⁸Awungana awui dolanli latungda kakhum eina ungpiya; wukkakhanangwui ningkharākna ngayā mapivālakmana.

¹⁹Kazing thangkhaleoda, awungana ngakarthui kala kazingkha̱khurpamli hengsāda vāhaowa.

²⁰Danielli horsang khavai kazingkha̱khurli vāshung khaleoda malungringlak eina Danielli avaowa, “O Daniel, kharinga Varewui rao, nana thangkachida kaphaninga nawui Varena kazingkha̱ khamorwui eina mahuimikhala?”

²¹Chieina Danielna awungali ngahānkai, “Awunga, okpeimeiranu!

²² Iwui Varena awui kazingrao chihotāda kazingkha̱ khamor sāphinmihaida ili khikha mathāmana; khikhalajila, Varewui mangāli iwui khalāng khikha maleisāmana, kala O awunga, nawui mangālila ina khikha khalāng masāhailakmana.”

²³Chieina awungana ringphāshunhaida Danielli kazingkha̱khur eina khuishok khavai kasoi. Chieina Danielli kazingkha̱khur eina khuishoka, kala ali khikha akhala masāza̱haisalakmana, kaja ana awui Vareli shitsangtita.

²⁴Kala awungana kasoda, Danielli kaphenbing chili, athumwui naongarā, apreiva̱̱ ngarā saikora zangda zingkha̱khurli horsangserhaowa, athum mazangshungranglakha kazingkha̱bing china kāyonkhuida ngasheikasākserhaowa.

²⁵Chiwui thili awunga Dariusna, okathuili khalei mibing, yurbing, kala tuiyur saikorali lairik kapilaga chihovāserda hānga, “Nathumli chingri kahai mataisangranu.

²⁶Iwui wungramli khalei saikorali ina kakaso khamina, kaja mibingna Danielwui Vareli ngacheeda khayāshiranu, kaja ava makashimān kharinga Varena; awui wungram masāshimānlakmara, kala awui khamung katongali vāshungra.

²⁷Ana kanmi kala ngatangkhuimi, ana machut kala matakhak kahai sai, kazinglila, okathuilila, kazingkha̱ khamorwui eina Danielli kankhame china.”

²⁸Chithāda sāda Dariusna munglakha kala Persiawui awunga Cyrusna munglakha Daniel reisanglak eina okthuisai.