Read Tangkhul Naga HOSEA 2 Bible Online

HOSEA 2 - Tangkhul Naga bible

HOSEA 2

¹ Nachinā, “Ammi” (iwui mibing) kala nazarva̱ “Ruhamah” (Lukhamashan samphanghaira)li hānglu,

²Hānglu, nava̱li hānglu, kaja a ipreiva̱̱ maningmana, kala I agahara maningmana — awui khayor otsak chi horhaoranu, kala awui phokaphā chi chihohaoranu;

³maningakha pharathang mahonghak eina pharākatā thāda ina ali raikormihaora, kala lamhāng thāda ngasakra, ngalei ngachakkakhai thāda, ra̱chan eina thingasakra.

⁴Anaomayara eina tangdali malumashanmimara, kaja athum shāmnaosera.

⁵Athumwui ava̱va̱ khayorva̱̱wui otsak sai; athumli vaikakhuiva̱ chi khayākhamalā otmāng sai. Kaja ana hānga, “Ili kashakazā kala tara̱ khame, sāhah kala khamanak kashankachon khame, iwui thao, kala mangkhavai khamebing, iwui leikashebingli shurthura.”

⁶Chiwui vang awui shongfa ina ka̱shat eina sāphinmihaora, kala ina ali phākho ngaveiphinmihaida awui shongfa maphākhuirarmara.

⁷Awui leikashebingli ana khoromzatra, kha mangaphanmara; kala ana athumli phāra, kha masamphangmara. Chiwui thili ana, “Igahara kharepāli latungura — kaja iwui vang aruiwuile kharepāna phamei.” da hāngra.

⁸Ali zāt, mangkhavai drakhāra̱, kala thao khame, kala athumna mavātlakla Baalli khami sina lupa khame chi ina, kaji a matheimana.

⁹Chiwui vang eina mahā atamli ina iwui tharāzāt kala drakhāthei kaphā atamli drakhāra̱ khuithuihaora; kala awui khamahong faror khavai iwui sahā, kala khamenga kachon khuithuihaora.

¹⁰Ara ina awui leikashebingwui miktāli awui shuikhangarui chi theingasakra,

¹¹Kala awui lumshilao saikora, awui zātkhān, awui changwok, sabbath; kala retkahai phanit saikora tangngasakhaora.

¹²Drakhārong kala khaorārong hi leikashebingna, iwui ngalangman khamina da ana kahāng chi ina shimān ngasakra. Saikora chi ina kharar onngasakta sāyurbingna shaira.

¹³Kala Baalwui zātkhān sāda nganamkaphā athumli riktāda, ana sinā khutop eina mukta sangda leikashebingwui thi shurzatta, ili malai kahaiwui vang ina ali tandi mira da PROHOna hānga.

¹⁴Chiwui vang eina yanglu, ina ali suira, kala lamhāngli ali thānvāra kala nimshimri eina ngazekra.

¹⁵ Kala chili ina awui drakhā yāmgui mira, kala Achorwui Leiwuk chi kachihānwui khāmong sāngasakra. Kala chili a ngalālakhawui thāda, kala Egypt ngaleiwui eina kashok atamwui thāda ngahānkāra.

¹⁶Kala chithanghon nana ili rāda ‘Igahara’ hora; kala ‘Iwui Baal’ da maholuimara da PROHOna hānga.

¹⁷Kaja Baalwui aming chi ina awui khamor eina khuithuimihaida mingsinda mahangluimara.

¹⁸Kala nawui vang chithang tampākwui sāyurbing, kazingramwui vānaobing kala ngarikazata yurbing, ngalei hiwui eina shimānhaida nali ina ningtāphup ngayaisang ngasakra.

¹⁹Kala katang makhavaiwui vang ina nali khāmra, ina nali khamashung khangarong eina mashunlungli, makhangachei leikashi eina lukhamashan alungli ina nali khāmra.

²⁰Ina nali ningtongtingda khāmra, kala nana PROHOli theira.

²¹Kala chithanghon ina kazingramli ngahānkāra; kala athumna okathuili ngahānkāra, da PROHOna hānga;

²²kala okathuina māli, zamli kala thaoli ngahānkāra, kala athumna Jezreelli ngahānkāra;

²³ Kala ali ina iwui vang ngalei chili yaosangra, malumashankasāpali ina lumashanra, “Iwui mi maningmana” kachipāli ina, “Na iwui mina” jira; chieina athumna, “Na iwui Varena.” da hāngra.