Read Tangkhul Naga HOSEA 6 Bible Online

HOSEA 6 - Tangkhul Naga bible

HOSEA 6

¹Athumna hithāda hānga, “Ithumli sākazamhailala ana ngahākhuimi khavai, shaokazazamhailala ana ngafakhuimi khavai, ithum PROHOli mai ngareiungluishitsa.

²Khanithangwui thili ana ithumli mathuk ngasakra; kakathumathang ana ithumli ngakarthui ngasakra, chieina ithumna awui mangāli ringpaira.

³Ithum theisa kaja, PROHOli theikhavai sakchangda hotnāsa; ana sāki kaji chi kazing kathang thāda makahatlakmana; ana ithumli zngrot thāda rāra, ngaleili ikkhami zingrot thāda.”

⁴Ina nali khi sara̱khala, O Ephraim? Nali khi sarakhala, O Judah? Nawui leikashi ngathorshongwui muiyā kathāna, thengngalang kahai ikra̱ kathāna.

⁵Chiwui vang eina marānbingli ina hānglaga athumli ta̱tek ngasakhaira; ikhamorwui tui eina ina athumli sāthathaira, kala iwui bichar chi kahor thāda shoka.

⁶ Kaja Ina makhangachei leikashi chi ningchānga, pha̱kaphayā maningmana, rikkatā kachigatpāle Vareli theikakhui ningchāngmei.

⁷Kha Adamwui atamli athumna tuingashit kaihaowa; athumna ili shitkasang maleilakla sai.

⁸Gilead hi makaphā kasābingwui keinungna, ashee tākahaiwui achonmānga.

⁹Phama̱kashaobingna mi akhali rimkapam thāda, pāngmonbingna sakrumda lei, athumna Shechemwui shongfali mi shaothata, mha, athumna khangashao ot sāhaira.

¹⁰Israelwui shimkhurli khangachee ot akha ina theihaira; Ephraimwui khayor otsak lei, Israelli sākhamāng ngasakhaira.

¹¹Nawui vangla, O Judah, hātkakhui atam akha ngarānhaira. Ina iwui yurbingwui lan hankhami tharan.