Read Tangkhul Naga AMOS 2 Bible Online

AMOS 2 - Tangkhul Naga bible

AMOS 2

¹ PROHOna hānga: “Moabwui chonkhamakān kathumwui vang, kala matiwui vang, shongrān chi ina mayangmimara; khikhalajila Edom awungawui ara̱-arā ana hotla thāda chuitā ngasaka.

²Chiwui vang Moabli ina mei chihotāra, kala china Keriothwui raipan chuitup tāmira. Talla̱khon zangda akhon-akhak maphākhuila Moab thira.

³Yaruiwui eina khamungali inna katathaora, kala ali ngasoda awui wungnaobing thitrumra,” da PROHOna hānga.

⁴PROHOna hithāda hānga: “Judahwui chonkhamakān kathumwui vang, kala matiwui vang, shongrān chi ina mayangmimara; khikhalajila athumna PROHOwui ain chi makhuisangmana, kala awui shiyan mamayonmana; kha avāva̱ ngarāna kazat athishurda athumwui kakapikna ma̱thuingasakhaira.

⁵Chieina Judahli ina mei chihotāra, kala china Jerusalemwui raipan chuitup tāmira.”

⁶PROHOna hithāda hānga: “Israelwui chonkhamakān kathumwui vang, kala matiwui vang, shongrān chi ina mayangmimara; khikhalajila khangarongbingli athumna lupāsā eina yorzai, kala khavātabingli pheihop eina ngatha̱vaiya—

⁷Kachāmbingwui kui chifali naikakatotbing, kala sipkasābingli mayangkaza̱bing; vānaoni sha̱nao akhali ngasoda iwui ming makhao ngasaka;

⁸athumna hanphutpam kachida pāngthān eina khuikahai kachontungli ngaleowa; kala athumwui Varewui shimli shongrān eina kakhui zam rāmanga.

⁹ “Chithālala, nathumwui vang cedarthing thāda juikhamatai, kala shirimthing thāda khamakanga, Amornaobingli ina shimān ngasaka; ina atonli athei khamathei, kala alungli khalei angayungla shimān ngasaka.

¹⁰Kala Egyptwui eina ina nathumli thānshoka, Amorwui ngalei khuikhavai, lamhāngli kum hangmati thānzata,

¹¹ Kala ina nanaomayara kaikhali marān sāngasaka, yaronnao kaikhali Nazirite sākhavai vang. O Israelnaobing, chi mathākachangkhatmala?” da PROHOna hānga.

¹²Kha Naziritebingli nathumna zam mangngasaka, kala marānbingli nathum mamarānalu da kasoi.

¹³Yanglu, māvām pemting eina kaphunga seigariwui kharitna kashiren thāda, inala nathumli shirenshānra.

¹⁴Kathākabingla mayāmthukmara, kapanga mina yāng tekhaora; pangshapa chinala khalatta mahuirarmara;

¹⁵malā kasingala manganingthukmara, yongkatheia mila khalatta mahuikhuirarmara; sigui katongala awui manglā makanrarmara;

¹⁶sāshapbingwui ngachaili malung kazang chila khamahong eina yāmthuihaora da PROHOna hānga.