Read Tangkhul Naga JONAH 2 Bible Online

JONAH 2 - Tangkhul Naga bible

JONAH 2

¹Chieina Jonahna awui PROHO Vareli khaihwukwui eina seihā sāda hānga.

²“Iwui kakhanang eina ina PROHOli ngakaowa, kala ana ili ngahānkai: Kathewui ramwui wuklung eina ina vaowa, kala nana iwui khavaokhon shāmi.

³Kaja nana ili kathuka shamadrulungli horsanga, kala khangaphaowa tara̱ chi ili kuimarāna, nawui tara̱ khangaphao kala ngarungning kahai china iwuitungli ngaphaorai.

⁴Chieina ina hānga, ‘Nawui ngalemwui eina ili horshokhaira, ara kathāda nawui kathara shim chi ina theiluipairakhala?’

⁵Tara̱na ili hikhaowa, kathuka china ili kuimareiphinhaowa; khawo-thothāpna ikui pukrora

⁶phungreiwui angayungli. Katang mavaila pharnam kahai ngaleili ina zangshunga; thalala Chom chiwui eina imanglā nana khuishokmi, O PROHO, iwui Vare.

⁷Ining shimān kahai tharan, ina PROHOli phaningunga; kala iwui seihā kasā nali kāshungda, nawui kathara shim chili khuisangmi.

⁸Makānkhanā meoma̱li khayākashibingna athumli machihānluimana.

⁹Kha ina nali ningkashi khami eina ngasoda pha̱phayāra; Ina ngashit kahai chi ina mira. Huikhami PROHOwuili lei.”

¹⁰Chieina PROHOna khaih chili kasoda khaih china Jonahli ngalei kathengli maloshokhaowa.