Read Tangkhul Naga MISHĀN 26 Bible Online

MISHĀN 26 - Tangkhul Naga bible

MISHĀN 26

¹Kazātkashiwui thili PROHOna Moses eina pāngmon Aaronwui nao Eleazarli hānga,

²“Israel ashangva̱ mi saikora shangwui athishurda kum maga̱wui eina thuilaga chiwui atung, avāva̱wui shimlāk athishurda, Israelli khalei raili vākashapa mi saikora mishān shānkhuilu.”

³Chieina Moses eina Eleazarna Moabwui tampāk Jordan pheili khalei Jericho apamli athumli hānga,

⁴PROHOna Mosesli kakaso athishurda, “Kum maga̱wui eina thuilaga chiwui atung mibingwui mishān shānkhuilu.” Egyptwui eina kashok Israelwui mibing chi hina:

⁵ Israelwui naochizai Reuben, awui naomayarabing: Hanok, Hanokwui naobingwui shimkhur; Palluwui, Pallunaobingwui shimkhur;

⁶Hezronwui, Hezronnaobingwui shimkhur; Carmiwui, Carminaobingwui shimkhur.

⁷Hi Reubennaobingwui shimkhurbingna; kala athumwui mishān thing hangmatida kathum shāshini kala thumrāna.

⁸Kala Palluna Eleabli pharai;

⁹Eleabwui naomayarabing: Nemuel, Dathan, kala Abiramli pharai. Dathan eina Abiram. Dathan eina Abiram hi yarui ashangva̱wui eina kapangkakhui Corahli ngasoda Moses eina Aaron kala PROHOli khangasungli kazanga khanina,

¹⁰ngaleina ngachakkhaida Corah eina ali khangayurbingli mayuisangrumhaowa, ali khangayurbing thithang kala meina mi shākhani hangphangā chuitāthang, athum chi kahaka machut ngasāhaowa.

¹¹Chithālala Corahwui naomayarabing mathimana.

¹²Shimkhurbingwui athishurda Simeonwui naomayarabing: Nemuelwui eina, Nemuelnaobingwui shimkhur; Jaminwui eina, Jaminnaobingwui shimkhur; Jachinwui eina, Jachinnaobingwui shimkhur;

¹³Zerahwui eina, Zerahnaobingwui shimkhur; Shaulwui eina, Shaulnaobingwui shimkhur hibingna.

¹⁴Hibing hi Simeonwui shimkhurbingna. Athumwui mi thing maga̱da khani shākhanina.

¹⁵Athum shimkhurwui athishurda Gadwui naomayarabing: Zephonwui eina, Zephonnaobingwui shimkhur; Haggiwui eina, Hagginaobingwui shimkhur; Shuniwui eina, Shuninaobingwui shimkhur;

¹⁶Ozniwui eina, Ozninaobingwui shimkhur; Eriwui eina, Erinaobingwui shimkhur;

¹⁷Arodwui eina, Arodnaobingwui shimkhur; Areliwui eina, Arelinaobingwui shimkhur;

¹⁸Hibing hi Gadwui naomayarabingwui shimkhurbingna, athumwui mishān athishurda thing hangmati shāphangāna.

¹⁹Judahwui naomayara khani Er eina Onam; kala Er eina Onan Canaan ngaleili thihaowa.

²⁰Kala athum shimkhurwui athishurda Judahwui naomayarabing: Shelahwui eina, Shelahnaobingwui shimkhur; Perezwui eina, Pereznaobingwui shimkhur; Zerahwui eina, Zerahnaobingwui shimkhur.

²¹Kala Perezwui naomayarabing: Hezronwui eina, Hezronnaobingwui shimkhur; Hamulwui eina, Hamulnaobingwui shimkhur hibingna.

²²Hibing hi Judahwui shimkhurbingna, athumwui mishān athishurda thing hangshinida tharuk shāphangāna.

²³Shimkhurbingwui athishurda Issacharwui naomayarabing: Tolawui eina, Tolanaobingwui shimkhur; Puvahwui eina, Puvahnaobingwui shimkhur;

²⁴Jashubwui eina, Jashunaobingwui shimkhur; Shimronwui eina, Shimronnaobingwui shimkhur hibingna.

²⁵Hibing hi Issacharwui shimkhurbingna, athumwui mishān athishurda thing hangtharukta mati shākathumna.

²⁶Athum shimkhurwui athishurda Zebulunwui naomayarabing: Seredwui eina, Serednaobingwui shimkhur; Elonwui eina, Elonnaobingwui shimkhur; Jahleelwui eina, Jahleelnaobingwui shimkhur hibingna.

²⁷Hibing hi Zebulunwui shimkhurbingna, athumwui mishān athishurda thing hangtharuk shāphangāna.

²⁸Athum shimkhurbingwui athishurda Josephwui naomayara khani: Manasseh eina Ephraimna.

²⁹Manassehwui naomayarabing: Machirwui eina, Machirnaobingwui shimkhur; kala Machirna Gileadli pharai; Gileadwui eina, Gileadnaobingwui shimkhur.

³⁰Hibing hi Gileadwui naomayarabingna: Iezerwui eina, Iezernaobingwui shimkhur; Helekwui eina, Heleknaobingwui shimkhur;

³¹kala Asrielwui eina, Asrielnaobingwui shimkhur; kala Shechemwui eina, Shechemnaobingwui shimkhur;

³²kala Shemidawui eina, Shemidanaobingwui shimkhur; kala Hepherwui eina, Hephernaobingwui shimkhur hibingna.

³³Hepherwui nao Zelophehad mayarnao mapharāmana, kha sha̱naomānga: kala anaongalāva̱bing chiya Mahlah, Noah, Hoglah, Milcah kala Tirzah hibingna.

³⁴Hibing hi Manassehwui shimkhurbingna; kala athumwui mishān athishurda thing hangphangāda khani shāshinina.

³⁵Hibing hi athum shimkhurwui athishurda Ephraimwui naomayarabingna: Shuthelahwui eina, Shuthelahnaobingwui shimkhur; Becherwui eina, Bechernaobingwui shimkhur; Tahanwui eina, Tahannaobingwui shimkhur.

³⁶Kala hibing hi Shuthelahwui naomayarabingna: Eranwui eina, Erannaobingwui shimkhurbing.

³⁷Hibing hi Ephraim naomayarabingwui shimkhurwui mishān athishurda thing thumrāda khani shāphangāna. Hibing hi shimkhurbingwui athishurda Josephwui naomayarabingna.

³⁸Athum shimkhurbingwui athishurda Benjaminwui naomayarabing: Belawui eina, Belanaobingwui shimkhur; Ashbelwui eina, Ashbelnaobingwui shimkhur; Ahiramwui eina, Ahiramnaobingwui shimkhur;

³⁹Shephuphamwui eina, Shephuham naobingwui shimkhur; Huphamwui eina, Hupham naobingwui shimkhur;

⁴⁰kala Belawui naomayara khani Ard eina Naaman: Ardwui eina, Ardnaobingwui shimkhur; Naamanwui eina, Naamannaobingwui shimkhur hibingna.

⁴¹Hibing hi athum shimkhurwui athishurda Benjaminwui naomayarabingna, athumwui mi thing hangmatida phangā shātharukna.

⁴²Hibing hi shimkhurbingwui athishurda Danwui naomayarabingna: Shuhamwui eina, Shuhamnaobingwui shimkhurna. Athumwui shimkhurwui athishurda hi Danwui shimkhurbingna.

⁴³Athum mashingwui athishurda Shuhamnaobingwui shimkhur saikora mi thing hangtharukta mati shāmatina.

⁴⁴Athum shimkhurbingwui athishurda Asherwui naomayarabing: Imnawui eina, Imnanaobingwui shimkhur; Ishviwui eina, Ishvinaobingwui shimkhur; Beriahwui eina, Beriahnaobingwui shimkhur;

⁴⁵Beriahwui naomayarabingwui eina: Heberwui eina, Hebernaobingwui shimkhur; Malchi-elwui eina, Malchi-elnaobingwui shimkhur hibingna.

⁴⁶Kala Asherwui naongalāva̱wui ming Serah hoi.

⁴⁷Hibing hi athum shimkhurbingwui mishān athishurda Asherwui naomayarabing, thing hangphangāda kathum shāmatina.

⁴⁸Athum shimkhurwui athishurda Naphtaliwui naomayarabing: Jahzeelwui eina, Jahzeelnaobingwui shimkhur; Guniwui eina, Guninaobingwui shimkhur;

⁴⁹Jezerwui eina, Jezernaobingwui shimkhur; Shillemwui eina, Shillemnaobingwui shimkhur hibingna.

⁵⁰Hibing hi athum shimkhurwui athishurda hi Naphtaliwui shimkhurbingna; kala athumwui mashing thing hangmatida phangā shāmatina.

⁵¹Hi Israelnaobing saikora ngarumlaga shātharuk kala thingkha shāshini kala thumrāna.

⁵² PROHOna Mosesli hānga:

⁵³“Ngaleibing hili aming mashingwui athishurda shimlui sākhavai ngakaimira.

⁵⁴Hakkhamei shangli nana hakkhamei shimlui milu, kala teokhamei shangli teomeida milu; shang kachiva̱li mashingwui athishurda shimlui ngarin ngasaklu.

⁵⁵Kha ngalei hi kalā yangda ngayarra; athum avāva̱ ngarā shangwui amingbing athishurda shimlui ngayarra.”

⁵⁶Athumwui shimlui kharei, kateowui ngachaili kalā yangda ngayarmira.

⁵⁷ Athumwui shimkhurwui athishurda hibing hi Levinaobingwui mashingna: Gershonwui eina, Gershonnaobingwui shimkhur; Kohathwui eina, Kohathnaobingwui shimkhur; Merariwui eina, Merarinaobingwui shimkhurbingna.

⁵⁸Hibing hi Leviwui shimkhurbingna: Libnaobingwui shimkhur, Hebronnaobingwui shimkhur, Mahnaobingwui shimkhur, Mushnaobingwui shimkhur, Corahnaobingwui shimkhur. Kala Kohath hi Amramwui avāva̱na.

⁵⁹Amramwui preiva̱li Jochebed hoi, Egyptli kapharā Leviwui naongalāva̱na, ana Amramwui nao Aaron eina Moses kala aniwui azarva Mariam athumli pharai.

⁶⁰ Kala Aaronna Nadab, Abihu, Eleazar kala Ithamar athumli pharai.

⁶¹ Kha anina makathar rikkatā PROHOwui mangāli kachigatwui vang Nadab eina Abihu thihaowa.

⁶²Kala athumwui mi mashing, mayarnao kachāngkhawui eina thuida chiwui atung saikora thing maga̱da kathumna, kaja athum Israelwui mibingwui mishānli mangarumana, khikhalajila Israel mibingwui alungli athumli shimlui mayarmana.

⁶³Hi Moses eina pāngmon Eleazarna Jerichowui Jordan ngalemli khalei Moab tampākpheili Israelwui mibing shānkakhuina.

⁶⁴ Kha Moses eina pāngmon Aaronna Sinai lamhāngli Israelnaobing kashān tharan mibing hi akhala mashānnarmana.

⁶⁵Kaja PROHOna athumli hānghaisai, “Athum lamhāngli thihaora.” Jephunnehwui naomayara Caleb eina Nunwui naomayara Joshua maningla khipākha mashākmimana.