Read Tangkhul Naga MICAH 5 Bible Online

MICAH 5 - Tangkhul Naga bible

MICAH 5

¹Arui nali kuimareida pan saphinhaira; ithumli kuinamkhuihaira; lijei eina athumna Israelwui khamunga chiwui maisorli ngaphita.

² Kha na, O Bethlehem Ephrathah, Judahwui shang ngasākida kateowa, nawui eina iwui vang Israelli khamunga saki kaje akha shokra, awui haophok khavai chiya kharewuina, achālakhawui einana.

³Chiwui vang eina ana athumli naokhara̱va̱ china mapharāranglakhawui atam eina tangda chihosāra; chiwui thili awui chinaongarā khangateibing Israelwui yurli latungra.

⁴Kala ana nganingda PROHOwui pangshap eina, awui Vare PROHOwui amingwui khayākakā chieina yaoshangli phauira, kala athumna ninglumtur eina pānra, kaja ara okathuiwui akatanga vāshungda ana kahaka ngasāhaora.

⁵Kala Assyrianaobingna ithumwui ngaleili phei rānaikasang tharan, chingri kahai ngasāhaora, chieina ithumna awuitungli yaokahoma shini kala miwui wungnao chishat shokngasakra.

⁶ Athumna Assyriawui ngalei chi raighai eina mungra, kala Nimrodwui ngalei chi sutshok kahai raighai eina mungra; kala athumna ithumli Assyrianaobingwui eina ngatangshokra, ana ithumwui ngaleili rāda tharili phei rānaikasang tharan.

⁷Chiwui thili Jacobwui shākkahaibing chi miyur kachungkhawui alungli leira, mibingwui vang makhangaraia, mikumowui vangla mahuikhanganonga PROHOwui eina kharā ikra̱ thāda, khawotungli zingpā tākharor thāra.

⁸Kala Jacobwui shākkahai yurbingwui ngachaili leisāra, miyur kachungkhawui alungli leira, kazingkha̱na khararwui sāyurbingwui ngachaili, kazingkha̱naona yaoshangbingwui ngachaili leida, chi rākashok tharan ana naikazamda serkazam kahai thāda, chili ngatangkhui khavai khipākha maleisāmara.

⁹Napāng nawui yangkashebingwuitungli khāngkāra, kala nawui yangkashebing saikora katathaora.

¹⁰Kala chithanghon ina nawui siguila nawui eina katatmihaora, kala nawui siguigaribing sākazamhaora, da PROHOna hānga.

¹¹Kala ina nawui ngaleiwui keinungbing katatmihaora, kala nawui raipam saikora sākhaihaora;

¹²kala nawui leivā kathembing saikora ina nawui pāng eina khuithuihaora, kala nawui vang khanongbing maleisāluimara;

¹³kala ina nawui meoma̱bing, kala nawui lungshombing sāshimānhaora, nawui pāng eina sākakhui ot chili nana makhorumluimara;

¹⁴kala nawui Asherimla phurmihaora; kala nawui keinung sākazamserhaora.

¹⁵Malungkhavāt eina ina athut khuira, kahāng makhanganā yurbingli.