Read Tangkhul Naga ZECHARIAH 13 Bible Online

ZECHARIAH 13 - Tangkhul Naga bible

ZECHARIAH 13

¹“Morei kala makathar otwui eina samathā khavai, chithanghon David shimkhurwui vang kala Jerusalemnaobingwui vang ura̱ akha shokmira.

²“Kala chithanghon ngalei hiwui eina meoma̱bingwui aming ina katathaida athumli maphaningungluimara; kala ngalei hiwui eina marānbing kala makathara manglāla kashamhaora da saikorawui PROHOna hānga,

³Kala kachikathāna marān sāda rāluishitakha ali pharākakhuiya ava̱ eina avāva̱na hāngra, ‘Na maringmara, kaja nana PROHOwui ming eina kakapik tui matui.’ kala ali pharākakhui ava̱ eina avāva̱na ali khamarān ot sāda leilakha rungthathaora.

⁴Chithanghon khamahā khamarān chitharan marānbingna chiwui vang khayakra; ana kapik khavai sāhahwui katuma phahon chi masangmara,

⁵kha ana hāngra, ‘I marān maningmana, kha luikhavā mina; kaja ngalei hi nganuilakhawui eina thuida iwui ngasārā kahaina.’

⁶Kala mi kachikathāna, ‘Nawui khumkhorli khamā kakā chi khikhala?’ da ngahānakha ana, ‘Iwui ngasotnaobingwui shimli leilakha sākaza̱na’” jira.

⁷ O raighai, iwui yaokahomali thuingasunglu, ili khangalengpa chili ngasunglu da saikorawui PROHOna hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

⁸Ngalei katongawui khum kathumwui khani katathaida shimānhaora, kakathuma khum chimāng ringra, da PROHOna hānga.

⁹Kala akhum kakathuma hi ina meili sangra, lupāsā heikakhui thāda heikhuira kala sinā khayāng thāda yāngkhuira. Athumna iming ngakaora, kala ina athumli ngahānkāra. kala ina ‘Athum iwui miyurna’ jira; kala athumna PROHO iwui Varena” da hāngra.