Read Tangkhul Naga KHALATLUI 18 Bible Online

KHALATLUI 18 - Tangkhul Naga bible

KHALATLUI 18

¹ “Levi pāngmonbing, chiya Levi shangnao katonga Israelwui alungli athumwui shimlui yar maleimara; athumna PROHOli mei eina kachigatbing kala awui yar chi zālaga okthuira.

²Achinā ngarāwui ngachaili athum shimlui maleimara; ana ngashit kahai athishurda, PROHOhi athumwui shimluikatna.

³Seiranu, yaoranu, mibingwui pha̱khavai rākachigat chiwui eina athumna yar hithāda khuira, asai eina maisor khanini kala aphon chi khuira.

⁴Māla, drakhātheila, kala nathumwui thaola hātkhuikhare kala nathum yaowui yaohah chichāpkhuikhare chi athumli mira.

⁵Kaja, PROHOwui mingli nganingda otram ngatha̱miching khavai ali kala anaomayarabingli shang saikorawui eina PROHO nathumwui Varena kapangkhui kahaina.

⁶“Kala Israelli leida khalei nathumwui keinung kachikathāwui eina, awui pānkhavai apamwui eina PROHO china kapangkhuiki kaji apam chili ana rākhangai atamli rāra,

⁷chitharan ana awui khavāknao chili otram ngatha̱mida khalei Levinaobing thada awui PROHO Vareli otram ngatha̱mipaira.

⁸Kala chili rākachigat chiwui yar ala kateiwui eina ngaraichāda samphangra; kala chiwuitungli avāva̱ ngarāna chiphunkharā chila awui papama.

⁹“PROHO nathumwui Varena nathumli khami ngalei chili vākashung chitharan, chiwui yur kateina kasā thāda ningkakachaiya otsakbing chi masāpaimara.

¹⁰ Nathumwui alungli naomayararanu, naongalāva̱ranu meili riktāda mamaseipaimara; khanong khayangranu, laivā kashonranu;

¹¹sha̱ khangasoranu, kalā khayangranu, khara̱katheiranu kala kazeikazangranu maleipaimara.

¹²Hikathā kasā mi kachiva̱ hi PROHOwui mangāli ningkakachaimānga; kala hikathā kasāwui vang PROHO nathumwui Varena athumli rida kasham kahaina.

¹³ PROHO nathumwui Varewui mangāli nathum shāt makā ngasaklakalu.

¹⁴“Nathumna akashamshoki kaji yurbing hina laivā kasāli kala khanong khayangli shitsanga. Kha nathumli PROHO nathumwui Varena chikathāthā sākhavai mamayāmana.

¹⁵ “Nathumwui ngachaili nachinā ngarāwui eina I kathā marān akha PROHO nathumwui Varena shokngasakra, nathumna awui tui khuira—

¹⁶nathumna Horebli yarui kazipthang, PROHOli ningchangda, ‘Iwui PROHO Varewui akhon mashāluingaiga, lah awui hakkhamahā meila matheiluingaiga maningakha I thihaipaishina’ da hānga.

¹⁷Kala PROHOna ili hānga, ‘Athumna kahāng saikora chi mashunglak eina hānghaira.

¹⁸Achinā ngarāwui eina ina na thāda marān akha shokngasakra, kala awui khamorli iwui tui sangmida ina kagaso saikora ana athumli hāngmira.

¹⁹Kala iwui tui ana hānglaga kachikathāna makhuisangakha, chipale I khalattana athut hāngsangra.

²⁰Kha kachikathā marānbingna iwui ming singda ina makagaso marānkhami ana sāda, lah khangatei varebingwui tui matuiakha, marānbing chi thira.’

²¹Kala nathumwui ningli ‘PROHOwui tuina kaji ithumna kathāda theirakhala?’ da phaningakha—

²²marān akhana PROHOwui ming singda matuilaga, tui chi maungshungakha, kala mamashungakha, chi PROHOna hāngkahai tui maningmana; marānbing china ningkap eina matuiphāphā kajina, nathum ali ngachee khavai apong maleimana.”