Read Tangkhul Naga 1 CORINTHNAO 2 Bible Online

1 CORINTHNAO 2 - Tangkhul Naga bible

1 CORINTHNAO 2

¹ Ivānaobing, ina nathumli Varewui kathuka tui rātamkachithei tharan kathema mi thada thangkhamei tui eina marātamchitheimana.

² Khikhalajila Jishu Khrista kala awui thimalokhami maningla ina nathumli ngasopamda leilakha katei akhala matamchitheilakmara jikahaina.

³ Chieina ina nathumli kharā tharan ngazansāhaoda ngacheerarang leisai.

⁴ Kha mikumowui tuiyār eina mamatuila manglāwui pangshap theishingkakhui eina ngasoda tamchithei.

⁵ Chiwui vang eina nathumwui shitkasang chi mikumowui thangkhameili maningla Varewui pangshapli khaleina.

⁶ Chithālala manglāwuili rarkahaibingli ina thangkhamei tui tamchithei. Kha thangkhamei tui chi okathuiwui maningmana lah shimānhaoki kaji okathui khamungabingwui pangshapwuila maningmana.

⁷ Ina tamkachithei thangkhamei tui chi mikumona matheivākharar Varewui kathuka thangkhamei ngasāsalala okathui masāranglakha ithumli tekmatei ngasak khavai Varena ngarānpinghaikasana.

⁸ Hi apuk-apaka khamungabing khipānakha matheimana; athumna theisāsi kaja tekhamateiwui Proho chili masāthatmara.

⁹ Kha hithada kapihaida lei; “Khipānakha mathei, mashālakrang kaji, khipānakha shokra da maphaningsalak kaji, chi Varena ali leikashebingwui vang ngarānmi kahaina.”

¹⁰ Kha Manglāwui pangshap eina awui khangathuma kathuka tui chi ithumli chitheimihaira. Mikumona matheivākharar Varewui khangathuma kathuka kharin eina tangda Manglāna phākhui.

¹¹Mikumowui ningna mikumowui ningkhalang kathei thada Varewui Manglāmāngna Varewui pongli thei.

¹² Ithumna okathui hiwui ningphanin samkaphang maningmana kha Varena chihokharā Manglāwui vang eina ithumli khamimi chi theikhuishapa.

¹³ Chieina ithumna mikumowui thangkhamei eina matamchitheimana, kha Manglā kazangabingli manglārinwui mashun hāngkachithei thada Manglāna tamchithei kahai tui eina tamchithei.

¹⁴ Manglā makazanga mi china Varewui lemmet khamimi chi makhuirarmana; chikathā mi chi theishingkakhuila maleimana kala chi awui vanga kakhalat makhalei thāhaowa, kaja chiwui aman kasak chi manglārinwui pheisin eina theiki kajina.

¹⁵ Manglā kazanga mi china ot saikorali bichar sāshapa, kha ali khipānakha bichar masārarmana.

¹⁶ Hithada kapihaili, “Khipāna Prohowui ning thei? Khipāna ali hāngmachinshap?” Chithālala, ithumwuili Khristawui ning lei.