Read Tangkhul Naga 1 CORINTHNAO 8 Bible Online

1 CORINTHNAO 8 - Tangkhul Naga bible

1 CORINTHNAO 8

¹ Ara, meoma̱li pha̱kahai kashakazāwui pongli: “Ithum saikora theishingkhuikashap awor lei” da ithumna thei. Chikathā “Awor” china langso ngasaka, kha leikashina reisang ngasaka.

² Kachikathā mi akhana a theimeia da phaningakha ana theikhangayi chila matheiranga.

³ Kha Vareli leikashe mili Varena theimi.

⁴ Chithada sāda meoma̱li pha̱kahai kashakazāwui pongli hithada ngahānkāngai; ithumna thei kaja meoma̱ hiya kachangkhat khalei otwui amahā maningmana; kala Vare akhamanga katei maleiluimana da ithumna thei.

⁵Kazingramlila, okathuilila “vare” kahobing kala “proho” kahobing kachungkha leilala;

⁶ ithumwui vanga saikora Kasā Akhava, Avāva̱ Varivara akhamānga kala awui vang ithum kharingna; kala Proho akhamānga, chiya Jishu Khristana, awui mangā eina ot saikora kasāsera kala awui mangā eina ithum kharingna.

⁷ Kha khamashung tui hi mi kachiva̱na matheimana, kachikathāna meoma̱li kaphaning chi khangachā sākhuihaoda aja rāshungda chikathā kashakazā kazākhamang tharan chi meoma̱wuina da phaningchinga. Athumwui mashun-makhui makatheiwui vang kashakazā china athumli makhao ngasakhaira da phaninga.

⁸ Ithumli kashakazā china Vareli nganai ngasaki kaji maningmana, chi mamang mazālala kashimān maleimana; manglala, zālala katong maleimana.

⁹ Kha nathumwui sākhangangai kasā chieina khangazanabingli phei ngaphok ngasakhaipaishina da ngasharlu.

¹⁰Theithangkhama nana kameo shimli phāshak phazāda leilakha ning khangazana mi akhana theisi kaja pha̱kahai ot chi shaingai khavai ali kasatkasang kathā maningkhala?

¹¹ Chieina Khristana thimi kahai navānao khangazana chili nawui awor china shimān ngasaka.

¹² Hithada sāda, mashun-makhui makatheia navānao ngarāwuitungli morei sāda athumwui ningli khamā za̱khangasak chi Khristawuitungli morei kasāna.

¹³ Avānao akha nguikhavai leili jiakha ali morei masākhavai ina sā chi mashaiphalungmara.