Read Tangkhul Naga JOSHUA 15 Bible Online

JOSHUA 15 - Tangkhul Naga bible

JOSHUA 15

¹Ka̱lā yanglaga Judah shangwui mibing athum shimkhurwui athishurda azingshong Edomwui thari, Zinwui lamhāng takhamaze azingshong tāshunga.

²Kala azingshong athumwui thari Salt Sea shangkachata eina, kala shamadrupheiwui eina thuilaga azingvāk tāshunga;

³Akrabbimwui kajui kakā eina thuida azingshong vāshungda tālaga Zinli vāshoka, kala Kadesh-barnea azingshong shoklaga Hezron vāshunglaga Addar vashoka, laga Karka takuikhui,

⁴chiwui eina Azmonli vai, laga Egyptwui Kong chi eina vāshoka, kala chithāda shamadruli vātanga. Hi azingshong athumwui tharina.

⁵Kala zingshoshongwui thari Salt Seawui eina thuida Jordan khamor tāshunga. Atungshongwui thari Jordan khamor, shamadruphei eina haophoka;

⁶kala thari chi Beth-hoglah shanglaga Beth-arabah atungshong vāshuma; kala Reubenwui naomayara Bohanna ngalung shun kahai ngalemli shanga;

⁷kala thari chi Achor Valleywui eina Debir shanga, laga atungshong Gilgalvāk vākuikai, hi Adummim juikakāli yangngasungda tampāk chiwui azingshong lei; kala thari chi En-shemeshwui ra̱khong vāshunglaga En-rogel vāshunga;

⁸chieina thari chi Jebus mibingwui ngalei (chiya, Jerusalem) chiwui azingshong khalei Hinnomwui naomayarawui tampāk shanga, kala zingtunshong Hinnom tampākli yangkhangasung kaphungton kāshunga, hina atungshong vākatanga Rephaimwui tampāk akatangna;

⁹chiwui thili thari chi kaphungton eina thuida Nephtoahwui Tara̱ ura̱pam vāshunga, kala chiwui eina Ephron Kaphungwui keinungbing vāshunga; kala Baalah (chiya Kiriath-jearim) vākuikhui;

¹⁰kala thari chi Baalahwui zingtunshong vākuikakhui chiwui eina Seir Kaphung chiwui eina vāshumda Jearim Kaphung (chiya, Chesalon) atungshong, chieina Beth-shemesh talaga Timnah ngalemli tāshunga;

¹¹thari chi Ekron kaphungwui amai matungmeida shoklaga, Shikkeron vākuikhuilaga Baalah Kaphung ngalemli tai; kala Jabneelli shoka; chiwui eina thari chi shamadruli ungtanga.

¹²Kala zingtunshong Kahaka Ngayiwui eina shamadrupheibing thari sai. Hi Judah shangwui shimkhur athishurda yarkahai kuimareikakhui tharina.

¹³ PROHOna Joshuali kakaso athishurda, Judahwui ngachaili Jephunnehwui naomayara Calebli Kiriath-arba, chiya, Hebron kaho apam hi mi (Arba hi Anakwui avāva̱na).

¹⁴ Kala Calebna Anakwui naomayara kathum Sheshai, Ahiman, Talmai, Anakwui ara̱-azāli kashamshokhaowa.

¹⁵Chiwui eina Calebna Debirli kapamnaobingli shangngarara; Debir kaji hi khareli Kiriath-sepher hosai.

¹⁶Kala Calebna hānga, “Kachikathāna Kiriath-sepher hi yuikhuishapakha, ali ina inao ngalāva̱ Achsahli ngakum ngasakra.”

¹⁷Chieina Othni-el kaho Kenazwui naomayara, Calebwui agatona yuihaoda, ali anao ngalāva̱ Achsahli ngakum ngasakhaowa.

¹⁸Sha̱nao china ali kharatharan, ana avāva̱ Calebli lui pokhavai hānga; chieina ana gadhā tungwui eina katā tharan Calebna ali hānga, “Na khi pongaikhala?”

¹⁹Ana ali hānga, “Nana ili Negebli pamngasakhaoda ura̱pamla akha milu.” Chieina Calebna shangkhamato ura̱pam eina takhamaze ura̱pam chi ali mihaowa.

²⁰Hi Judah shangwui mibingli shimkhurwui athishurda shimlui chi hithāda mi.

²¹Judah shang mibingwui keinungbing chiya, Edomwui tharishong tākhamazeli khami keinungbing Kabzeel, Eder, Jagur,

²²Kinah, Dimonah, Adadah,

²³Kedesh, Hazor, Ithnan,

²⁴Ziph, Telem, Be-aloth,

²⁵Hazor-hadattah, Keri-oth-hezron (chiya Hazor)

²⁶Amam, Shema, Moladah,

²⁷Hazar-gaddah, Heshmon, Beth-pelet,

²⁸Hazar-shual, Beer-sheba, Biziothiah,

²⁹Baalah, Iim, Ezem,

³⁰Eltolad, Chesil, Hormah,

³¹Ziklag, Madmannah, Sansannah,

³²Lebaoth, Shilhim, Ain kala Rimmon: athumwui kha̱bing eina ngasoda saikora keinung maga̱da chikona.

³³Kala angakoshong, Eshta-ol, Zorah, Ashnah,

³⁴Zanoah, En-gannim, Tappuah, Enam,

³⁵Jarmuth, Adullam, Sokoh, Azekah,

³⁶Sha-araim, Adithaim, Gederah, Gederothaim: athumwui kha̱bing eina ngasoda keinung tharāda matina.

³⁷Zenan, Hadashah, Migtal-gad,

³⁸Dilean, Mizpeh, Joktheel,

³⁹Lachish, Bozkath, Eglon,

⁴⁰Cabbon, Lahmam, Chitlish,

⁴¹Gederoth, Beth-dagon, Naamah kala Makkedah: athumwui kha̱bing eina ngasoda keinung tharāda tharukna.

⁴²Libnah, Ether, Ashan,

⁴³Iphtah, Ashnah, Nezib,

⁴⁴Keilah, Achzib kala Mareshah: athumwui kha̱bing eina ngasoda keinung chikona.

⁴⁵Ekron, kala chiwui keinungbing eina chiwui kha̱bing;

⁴⁶Ekron eina thuida shamadru vāshungda, Ashdod ngalem saikora kala chiwui kha̱bing.

⁴⁷Ashdod, chiwui keinungbing kala chiwui kha̱bing; Gaza, chiwui keinungbing kala chiwui kha̱bing; Egypt kong kala Great Seawui eina shamadrupheili khaleibing.

⁴⁸Kala kaphungramli; Shamir, Jattir, Sokoh,

⁴⁹Dannah, Kiriath-sannah (chiya Debir)

⁵⁰Anab, Eshtemoh, Anim,

⁵¹Goshen, Holon kala Giloh: athumwui kha̱bing eina ngasoda keinung tharāda akhana.

⁵²Arab, Dumah, Eshan,

⁵³Janim, Beth-tappuah, Aphekah,

⁵⁴Humtah, Kiriath-arba (chiya, Hebron) kala Zior: athumwui kha̱bing eina ngasoda keinung chikona.

⁵⁵Maon, Carmel, Ziph, Juttah,

⁵⁶Jezreel, Jokde-am, Zanoah,

⁵⁷Cain, Gibeah kala Timnah: athumwui kha̱bing eina ngasoda keinung tharāna.

⁵⁸Halhul, Beth-zur, Gedor,

⁵⁹Maarath, Beth-anoth kala Eltekon: athumwui kha̱bing eina ngasoda keinung tharukna.

⁶⁰Kiriath-baal (chiya Kiriath-jearim) kala Rabbah: athumwui kha̱bing eina ngasoda keinung khanina.

⁶¹lamhāngli khalei, Beth-arabah, Middin, Secacah,

⁶²Nibshan, Salt City kala En-gedi: athumwui kha̱bing eina ngasoda keinung tharukna.

⁶³ Kha Jebusbingli Judahbingna Jerusalem eina makashamshokrarthuwa; chieina Jebusbing Judahbingli ngasoda aja eina tangda Jerusalemli pamda lei.