Read Tangkhul Naga JOSHUA 17 Bible Online

JOSHUA 17 - Tangkhul Naga bible

JOSHUA 17

¹Chiwui thili Manasseh shangli yarmi; kaja a Josephwui naochizaina. Manassehwui naochizai Machir, Gileadshāvāva̱li, Gilead eina Bashan yara, kaja ava rai kasā mina.

²Kala Manasseh shangwui mi khangateili shimkhurwui eina mathang mathang Abi-ezer, Helek, Asri-el, Shechem, Hepher kala Shemidali ngayarmi. Hi Josephwui naomayara Manassehwui mayarnao ara̱-azā shimkhurwui athi chitunkatāna.

³ Chitharan Manassehwui naomayara Machir, Machirwui naomayara Gilead, Gileadwui naomayara Hepher, Hepherwui naomayara Zelophehad naomayara maleimana, kha sha̱naomānghaowa. Hi nao ngalāva̱bingwui amingna; Mahlah, Noah, Hoglah, Milcah kala Tirzah.

⁴ Athumna pāngmon Eleazar, Nunwui naomayara Joshua kala kathānabingwui mangāli vāda hānga, “Ipā ngarāli ngasoda ithumlila shimlui mikhavai PROHOna Mosesli kaso kahaina.” Chiwui vang PROHOna kaso kahai athishurda ana avāva̱wui achināngarāli khayar thāda athumli shimlui yara.

⁵Hithāda Jordanwui lakhavākli khalei Gilead eina Bashanli lāngda Manasseh shangna yar tharā samphanga,

⁶khikhalajila Manasseh shimkhurli nao ngalāva̱bingla mayarnao thāda shimlui samphanga. Gilead ngalei chi Manassehwui katai shangli mihaowa.

⁷Manassehwui leiret hi Shechemwui zingshoshong Asher eina thuida Mich-methath tāshunga; kala thari chi azingvāk tāshungda En-tappuahwui mibing pamkhavaili tātanga.

⁸Tappuah ngalei Manassehwuina, kha Manassehwui tharili khalei Tappuahwui keinung chiya Ephraimwui naongarāwuili zanga.

⁹Chiwui thili thari chi Kanah kong tāpeiya. Kong hiwui azingvāk khalei keinung kaikha Manassehwui lungli leilala Ephraimwuina. Chiwui eina thuilaga Manasseh thari chi kong chiwui atungvāk shanglaga shamadru eina shangtanga.

¹⁰Ngalei chi azingshong Ephraimwui kala zingtunshong Manassehwui da shamadru china thari sai; atungshong Asher shangshunga kala zingshovāk Issachar vāshunga.

¹¹ Issachar eina Asherlila Manassehwui lam Beth-shean eina chiwui kha̱bing zanga, kala Ibleam eina chiwui kha̱bing, kala Dorli kapambing eina kha̱bing, kala En-dorli kapanbing kala chiwui kha̱bing, kala Taanachli kapānbing kala chiwui kha̱bing, kala Megiddoli kapam mibing eina chiwui kha̱bing zanga, kala kakathumali Naphathna.

¹² Chithālala Manassehwui naomayarabingna chiwui keinungbing chi makhuirarthuwa, kha Canaanwui mibingna ngalei chili khaningpamhaowa.

¹³Kha khaleilaga Israelwui mibingna pangkasang tharan Canaanwui mibingli makashamshokchaolala athumli thoukai kaphunga sāngasaka.

¹⁴Kala Josephwui shangna Joshuali rāhānga, “PROHOna somida ithum shang hiyākha mayālaga kachiwui vang nana ithumli shimlui yar akhamāng mihaokhala?”

¹⁵Chieina Joshuana athumli hānga, “Nathum mi chungnahaida nathumwui vang Ephraim kaphung teonahaiakha, Perizbing kala Rephaimbingwui ngahong ngalei chi wutlaga nathum lui shangvālu.”

¹⁶Josephwui shangna hānga, “Kaphung ram chi ithumwui vang mashapmana, chili lāngda tampāk hili somkapam Canaanwui mibing, kaja Beth-seanwui luinganaibing kala Jezreel tampākli kapambing mariwui siguigari ngavāda lei.”

¹⁷Chieina Joshuana Josephwui shimkhur Ephraim eina Manassehli hānga, “Nathum mi kachungkhahaoda pangshapla khaleina; nathum shimlui yar akhamāng majimara,

¹⁸kha kaphungram chi nathumwui ngasāra, chi ngahonglala nathumna wutvāmamānda chiwui thari vākatang eina tangda nathum jipaira; khikhalajila Canaanwui mibingna mari siguigari ngavālala, rai pinglala nathumna athumli kashamshokphalungra.”