Read Tangkhul Naga HEBREWNAO 5 Bible Online

HEBREWNAO 5 - Tangkhul Naga bible

HEBREWNAO 5

¹Athumwui mahut eina Vareli otram ngatha̱mi khavai mibingna pāngmon kharei kapangkhui, kala ana moreiwui vang kachigat kala pha̱kaphayā ot sai.

²Ala apong kachungkhali khangazanwui vang, matheithangkhamabingna khayon kasā saikora chili malungkhanim eina ot sāshapa.

³Chiwui vang eina mibingwui vāngmāng maningla a khalattawui moreiwui vangla pha̱kaphayā ot sai.

⁴Khayākakā pāngmon kharei sākhavai khalatta makapangkhuimana. Aaronli hokakhui thada Varena hokakhui mi chili sākhangasakna.

⁵ Chithada sāda Khristanala pāngmon kharei ngasā khavai a khalatta makhāngkāmana kha hithada kahāng a china ali ngapham hi mi; “Na inao Mayarana; aja I nawui Avā ngasāhaira.”

⁶ Apam khangatei akhali hithadala hānga, “Na Melchizedekwui thada, mashimānda pāngmon sāchingra.”

⁷ Jishuna okathuili ringlakha kathiwui eina huimi khavai Vareli chara̱ tāda panglāk eina ringngāda seihā sai. Kala ana malungkhanim eina ning horsangchao kajiwui vang Varena khuisangmi.

⁸Varewui Naomayarana jilala kachotkachāng kaphung eina kahāng khanganā tamkhui.

⁹ Kāshungchao ngasak kahai tharan awui kahāng khanganābing saikorawui vang katang makhavai huikhamiwui ura̱ok ngasāhaowa,

¹⁰ kala Melchizedek kathā pāngmon kharei akhana da Varena chitheimi.

¹¹Hiwui pongli hāngki kaji kachungkha lei, kha nathumna bhap matākhui katheiwui vang hāngsaklaka.

¹²Nathum ara ojā sātheirānhaira, kha Varetui pheisin khare chi nathumli tamchithei khavai khangatei akha phāsangfarali. Nathum zāt khamarar zāki kajiwui mahutli seina̱ mangchingda leili.

¹³Seina̱ mangda khaleibing chi mashun-makhui matheila nganuichingda khaleibingna.

¹⁴Kha zāt khamarar hi khararnaobingwui vang, ningphaninwui pangshap eina kashikaphā theishapabingwui vangna.