Read Tangkhul Naga 1 JOHN 3 Bible Online

1 JOHN 3 - Tangkhul Naga bible

1 JOHN 3

¹ Ithumli Varivarawui nao da homida Avāva̱na kayākha leishimihairakhala kaji yanglu; awui nao ngasā kachanghaira; okathuina ithumli makatheiva athumna Varivarali makatheiwui vangna.

²Leikashebing, ara ithum Varewui naongarāna. Kha ithum naoda kathasānikhala kaji arui matheirarmana. Chithālala ithumna thei kaja Khristana kharā tharan ithumla a thahaora kala a hithālaka kaji ithumwui mik eina theira.

³Hikathā kachihān khalei mi kachiva̱ Khristana kathar tākam eina ala thara.

⁴Morei kasā mi chi Varewui ningkhami sākakhai mina, kaja morei kasā hi ain kakaina.

⁵ Khristana morei sonthuimi khavai kharāna kala awuili morei maleimana kaji nathumna thei.

⁶Khristali kazanga mi khipākha moreili mangaphummana. Kha moreili ngaphumda khalei mi china mik einala, ning einala ali matheiranga.

⁷Naoshinaobing, khipānakha nathumli maminamaranu, ana khangarong thada khamashung kasā mi chi khangarongana.

⁸ Morei kasaa chi chipeewui mina, kaja haokaphokwui eina thuida chipeena morei sai. Chiwui vang eina Varewui Naomayarana chipeewui otsak shimān ngasak khavai kharāna.

⁹ Varewui nao ngasā kahai a china morei sālui sālui majimana, kaja Varewui asak-avāt chi awuili lei, kala Vare hi awui Avāva̱ sākahaiwui vang ana morei masāluimana.

¹⁰Varewui naongarā eina chipeewui naongarā ngakheikhang eina theikhuipai; khamashung ot makasā kala achināli maleikashe mi chi Varewui nao maningmana.

¹¹ Akha eina akha leishi ngarokphalungra kaji hi nathumna haokaphokwui eina shākahaina.

¹²Ithum Cain mathāphalungmara, ava makaphā mina, kala agato Abelli shaokathata mina. Khiwui vang Cainna Abelli shaothathaokhala? Ana kasā saikora khayonna kha agatona kasā chiya khamashungmānga.

¹³ Ivānaongarā, nathumli okathuina yangkharinglala matakhak kahai masaalu.

¹⁴ Ithumli kathiwui eina kanshokmihaira kaji ithumna thei, kaja ithumna achināngarāli leishi. Maleikashebing chi aruila thida lei.

¹⁵ Achināli yangkakharinga a chiya mi khayumana kala mi khayumabingli kharing kaho chi maleimana da nathumna thei.

¹⁶ Chithada sāda leikashi hi khikhala da chiwui eina ithumna theikhuipai; Khristana ithumwui vang amanglā chihomi. Chiwui vang eina avānaobingwui vang ithumnala manglā chihomi phalungki kajina.

¹⁷Kachikathā mi akhana avānao akhawui khavāt thatheilaga malumashanngaiakha, ana Vareli leishiya da kathada hāngpairakhala?

¹⁸ Inaongarā, male kala tuimāng eina maleishikhaningla kha otsak eina ngasoda khamashung eina leishiphalungra.

¹⁹Ithum khamashungwui vangna kaji chi hi eina theikhuipaira; hithada ithumna Varewui miktāli ningkhanganung leira;

²⁰kaja ithumwui mashun-makhuina ithum yonhaira da kachithei tharan, ithumwui mashun-makhuili Vare hakmei kala ot saikora ana theisera da ithumna thei.

²¹ Chiwui vang eina leikashebing, ithumwui mashun-makhuina makhamayā maleiakha Varewui miktāli ithum ningkhanganung lei.

²²Awui kahāng nganāda ali ningyāng ungkhangasakwui vang ithumna kapopo chi awui eina samphanga.

²³ Awui kakaso chi hina; ithum Anaomayara Jishu Khristali shitsangphalungra kala Khristana kaso kahai thada akha eina akha leishi ngarokphalungra.

²⁴ Varewui kahāng khanganābingna Vareli ngashikta okthui, kala ali Vare lei. Varena ithumli mikahai Manglā Katharawui mangā eina a ithumli lei kaji theikhuishapa.