Read Tarao Naga METHIU 1 Bible Online

METHIU 1 - Tarao Naga bible

METHIU 1

¹Jisu Khrista apa apuvaa jikji, Devit vaa asa kupa, Abraham vaa asa kupa.

²Abraham Aisaak vaa apa, Aisaak Jakop vaa apa, Jakop Judah leh anaovaa anpa.

³Che Judah Tamar soh Peres leh Jerah vaa anpa, Peres Hejaron vaa apa, Hejaron Raam vaa apa,

⁴Raam Aminadep vaa apa, Aminadep Nason vaa apa, Nason Salmon vaa apa,

⁵che Salmon Rahap soh Boas vaa anpa, Boas Ruth soh Obet vaa anpa, Obet Jesi vaa apa,

⁶che Jesi Devit kurungvaa apa. Devit Uriah vaa akmeinata Solomon vaa apa,

⁷che Solomon Rehoboam vaa apa, Rehoboam Abia vaa apa, Abia Asa vaa apa,

⁸che Asa Jehosaphet vaa apa, Jehosaphet Joram vaa apa, Joram Ujiah vaa apa,

⁹che Ujiah Jotham vaa apa, Jotham Ahas vaa apa, Ahas Hejekiah vaa apa,

¹⁰che Hejekiah Manaseh vaa apa, Manaseh Amos vaa apa, Amos Josiah vaa apa.

¹¹Che Josiah Jekoniah leh amah anaovaa anpa, mahlai Babilon na suura anphurhpei.

¹²Che Babilon na suura anphurhnua: Jekoniah Saltiel vaa apa, Saltiel Jerubabel vaa apa,

¹³che Jerubabel Abihut vaa apa, Abihut Eliakim vaa apa, Eliakim Ajor vaa apa,

¹⁴che Ajor Jadok vaa apa, Jadok Akim vaa apa,

¹⁵Eliud Eliajar vaa apa, Eliajar Mathan vaa apa, Mathan Jakop vaa apa,

¹⁶che Jakop Meri amsal Joseph vaa apa, anmahnata Khrista antih Jisu kha poksa.

¹⁷Chunna mah ringnatluun Abraham nata Devit phah anaamte i ringnatluun somlei manli, che Devit nata Babilon na suura anphurh phah i ringnatluun somlei manli; che Babilon na suura anphurhnata Misaiah phah i ringnatluun somlei manli.

¹⁸Misaiah Jisu Khrista in apoknachu nga tloh a suuksa. Amah anu Meri ta Joseph ah turaal antha, chuta anmah in anchunnoh maa a Li Akseeng nata Meri avonna nao inthun veisa.

¹⁹Amah amsal Joseph vah akchimlamseh mii khat veia amah in atlannoh miikaara madangnoh a inrukte amdahnatu amdonpei.

²⁰Mahchunanga tlohtsangta anchaang suung, Akpu vaa ringroi inkhat in akmanga mamuh a akuunga ason, “Devit vaa asa kupa Joseph, Meri ta nikmei maveia lou trihnohro, alamva amah in akpooi naoi Li Akseeng tingna;

²¹amah in kupasa inkhat apoktu, che nangin amahvaa akming Jisu niongtu, alamva amah in amiieita anlehnata akaltuei.

²²“Mah naamte i Akpu trong akson ringraan in asonkha atlungnatu veisa, mah chuvah:

²³“Anve akseeng rungaak inkhat in nao inpooia kupasa inkhat apoktu, “che anmah in amahvaa akming Immanuel an ongtu.” (Mahchu arthava, “Ringpu in inihta inimrui.”)

²⁴Joseph in a ihnata inthoua Akpu vaa ringroin amahkuunga jathang amlankha amjuihpei, che amah in Meri ta akmei veia alohpei.

²⁵Chuta Meri in asa kupa apoknohmiil amahta inchunpinoh, amah in naota akming Jisu aongpei.