Read Tarao Naga LUKE 3 Bible Online

LUKE 3 - Tarao Naga bible

LUKE 3

¹Taiberias Keisaar in apaalna kum somlei ranga tihpi kumma Pontias Pilat in Judia rampuui aveilai, Herot in Kalili ramngaak veia amah anao Philip in Ituria mahche Trakhonitis vaa ramngaak che Laisanias in Abileni vaa ramngaak aveilai,

²Annas mahche Kaiaphas in aklok thiimpu anveilaia raprilla Ringpu atrongkha Jekharia asa kupa John kuunga thlengsa;

³mahche alehnata ip a malengnatu, che anmah in anrilthlenga anmahta aluptnatuei amah in akthra trongta raanna Jordon ram apumtea thlengsa.

⁴Ringraan Isaiah atrongta jikjia anjih nangsa, “Raprilla rapaorool inkhatvaa ahouva: nannih in Akpu alam machaangve, amah alam mathluunve.

⁵Akdep naamte amsiptu, muulpii leh muul naamte amnimtu, ankor lam amthluuntu, che akdep aktoong lam amtrimtu;

⁶mahche mii naamtein Ringpu vaa chaanring anmuhtu.”

⁷Churella amahkunga inlupnatu anthruh miitamta asonei, “Muruul vaa adhara eio, akthlengsam malunghaang nata tlaanveta tunang in nankuunga nanimtheihme?

⁸Chunnava nannih nanril thlenga matikcha a inrah veive. Che ‘Iputhou Abraham am’ ta nanrilsuunga son mathronnohve; alamva keiin nankuunga kisonchou, Ringpu in mah lung tamkhaak nata Abraham vaa asa tam amthruhchek.

⁹Ipektalkho mah thingi akjungah reiikho intaara am; churella thra inrahnoh thing anaamteta phuura meikaara athlak.”

¹⁰Chuunna miitam in akuunga anrui, “Chuleva kannih in jangkantlohtu tlame?”

¹¹Chunna amah in ankuunga amsangei, “Inluut innih ak am amah in, ak amnohluung akuunga inkhat malanso; che saakphu ak am inkho mahchunanga tlohso.”

¹²Roithrai inkho inlupnatu thlengsei, che akuunga anson, “Lulok o, kannih in jangkantlohtu tlame?”

¹³Chunna amah in ankuunga asonei, “Abihkhek nata akral lounohve.”

¹⁴Raalmii inkho akuunga anrui, “Mahche kannih inkho jangkantlohtu tlame?” Mahchuna amah in ankuunga asonei, “Tukhat kuungakho karaanga nohle chimnoh hoonga namma maruknohve, nangin nilahkhaan nisihkhanna pel veive.”

¹⁵Che mii in Khrista ta ngaak a an amsuunga annaam in John ta Khrista meio Khrista noh meio ta anrilsuunga amidon,

¹⁶John in ankuunga amsangei “Keiinva nannihta tuiia kilup uchou chuta keichunga ralla amtik amkha thlengsa, amah akehkhraang arui keiin majak kimtik amnoh; amah in nannihta Li Akseenga mahche meia naniluptu.

¹⁷Amah akut a aksi japna kulei am, che aksita thratea ajaapche kihuta amah tomma apeitu; chuta aksiva athih amnoh meia athlaktu.”

¹⁸Che amah in nga tloh a bungthokna trong jikcha sonna mii kuungah akthratrong araan.

¹⁹Chuta Herot ramngaak in amah anaokupa Philip akmei Herodia ta alohrella amah in thranoh atlohthlou anaamterel John in asaal.

²⁰Mah naamte ichunga Herot in mah ikho atlohpei, mah chuvah amah in John ta simma athunpei.

²¹Ipek nga tloh a suuksa, mii naamteta aluplaia, Jisu kho aluppei che angenlaia ringram inhoongsa,

²²Li Akseeng in amah achunga khuinu nanga ringramnata houkhat thlengsa, “Nangi kirilvol Kisa kupache, nang nikuunga keiin khalmo pelsang.”

²³Jisu in thlou amthronlai, atak kum sopthum vaksa, amahvah (mii in amidonnanga) Joseph vaa asa kupa, Joseph Heli vaa asa kupa,

²⁴Heli Mathat vaa asa kupa, Mathat Levi vaa asa kupa, Levi Melkhi vaa asa kupa, Melkhi Janna vaa asa kupa, Jannai Joseph vaa asa kupa,

²⁵Joseph Mattathias vaa asa kupa, Mattathias Amos vaa asa kupa, Amos Nahum vaa asa kupa, Nahum Esli vaa asa kupa, Esli Nakai vaa asa kupa., Nakai Maat vaa asa kupa,

²⁶Maat Mattathias vaa asa kupa, Mattathias Semin vaa asa kupa, Semin Josekh vaa asa kupa, Josekh Joda vaa asa kupa,

²⁷Joda Joanan vaa asa kupa, Joanan Rhesa vaa asa kupa, Rhesa Jerubabel vaa asa kupa, Jerubabel Seltiel vaa asa kupa, Seltiel Neri vaa asa kupa,

²⁸Neri Melkhi vaa asa kupa, Melkhi Addi vaa asa kupa, Addi Kosam vaa asa kupa, Kosam Elmadam vaa asa kupa, Elmadam Er vaa asa kupa,

²⁹Er Joshua vaa asa kupa, Joshua Eliejer vaa asa kupa, Eliejer Jorim vaa asa kupa, Jorim Mathat vaa asa kupa, Mathat Levi vaa asa kupa,

³⁰Levi Simeon vaa asa kupa, Simeon Judah vaa asa kupa, Judah Joseph vaa asa kupa, Joseph Jonam vaa asa kupa, Jonam Eliakim vaa asa kupa.,

³¹Eliakim Melia vaa asa kupa, Melia Menna vaa asa kupa, Menna Mattatha vaa asa kupa, Mattatha Nathan vaa asa kupa, Nathan Devit vaa asa kupa,

³²Devit Jesi vaa asa kupa, Jesi Obed vaa asa kupa, Obed Boas vaa asa kupa, Boas Sala vaa asa kupa, Sala Nason vaa asa kupa,

³³Nason Amminadab vaa asakup, Amminadeb Amin vaa asa kupa, Amin Arni vaa asa kupa, Arni Hejaron vaa asa kupa, Hejaron Peres vaa asa kupa, Peres Judah vaa asa kupa,

³⁴Judah Jakop vaa asa kupa, Jakob Aisaak vaa asa kupa, Aisaak Abraham vaa asa kupa., Abraham Terah vaa asa kupa, Terah Nahor vaa asa kupa.,

³⁵Nahor Seruk vaa asa kupa, Seruk Reu vaa asa kupa, Reu Pelek vaa asa kupa, Pelek Eber vaa asa kupa, Eber Selah vaa asa kupa,

³⁶Selah Kainan vaa asa kupa, Kainan Arphasek vaa asa kupa, Arphasek Sem vaa asa kupa, Sem Noah vaa asa kupa, Noah Lamekh vaa asa kupa,

³⁷Lamekh Methuselah vaa asa kupa, Methuselah Enokh vaa asa kupa, Enokh Jared vaa asa kupa, Jared Mahalaliel vaa asa kupa, Mahalaliel Kainan vaa asa kupa,

³⁸Kainan Enos vaa asa kupa, Enos Seth vaa asa kupa, Seth Adam vaa asa kupa, Adam Ringpu vaa asa kupa.