Read Tarao Naga ROME 16 Bible Online

ROME 16 - Tarao Naga bible

ROME 16

¹Kenkri ah am khakla ta amjoom isar Phobi ta anve kemve ta kamsilchou,

²mah chuvah thloia akseeng mii veia nannih in amahta Akpu minga loulouve, amah in bilam darkaar amle nannih tingnata majoomve, alamva amah in mii jikchakho keikho kamjoomang.

³Jisu Khrista ta routloh ah keisoh tlohkhaljou Priska khatkho Akuila ta saambaan kamlanei.

⁴Keichaan turella anmah in klah knang doua, anmahta keikhop in mapaaknoh a Jental ei khakla anaam inkho anmahta amipaakei.

⁵Anmah innsuunga inboompi khakla tingkho saambaan kamlanei, amahvah Asia suunga matsahrem Khrista tinga akthleng miisa.

⁶Nankaar a thlou tranga aktloh Meri ta saambaan kamlan.

⁷Kei innsuungthok che keisoh simma amjou Andronikas mahche Junias ta saambaan kamlanei, anmahva keichunga matsah a Khrista malot a louamche raangroi ankaar a amuvei miiseengsei.

⁸Akpu kuunga kirilvol Ampliatas kho saambaan kamlan.

⁹Khrista kuunga inihsoh tlohkhaljou Urbanas mahche kirilvol Stakhias ta saambaan kamlanei.

¹⁰Khrista ting aja mii Apelles ta saambaan kamlan. Aristobulas ataploikuung eikho saambaan kamlanei.

¹¹Kei sakhei Herodion kho saambaan kamlan. Akpu kuunga am Narnikas ataploikuung suuk eikho saambaan kamlanei.

¹²Akpu tinga tranga thloutloh mii Triphina leh Triphosa ta saambaan kamlannei.

¹³Akpu malot ah amingseh Ruphas kho saambaan kamlanei.

¹⁴Asinkritas, Phlekon, Hermes, Patrobas, Hermas mahche anmahsoh amjou unao ankuunga saambaan kamlanei.

¹⁵Philolokas, Julia, Nerias mahche asar Olimpas, che amahsoh inruuijou akseeng mii eita saambaan kamlanei.

¹⁶Akseengin inchohsoh inruuia khatleh khat saambaan inpeve. Khrista vaa khakla annaam in nannihta saambaan nanimlan.

¹⁷Unaoeio, malotrelna nankuunga minna matheih a nanromche khannata aktlei thihnatinga nanimthlaksam miiei anmelta minna louromma ankuungnata nanpelnatu kinoolchou.

¹⁸Alamva oinang mii in Akpu Khrista ta rou tlohnoh ei, chuta anvon turelna khopning. Anmah in akthra mahche miita mapelsin tronga jakhatkho romnoh miirilta ansimna.

¹⁹Alamva nannih in sonmajuih veichoua annaamte in anrompei. Ochunna nannih rella kiroomthoksang, nannihta keiin akthra turella kamsing peichoua Akpu Jisu Khrista vaa malungsi in nannihsoh amjousa.

²⁰Leh oi vaa Ringpu in Seitanta khalmo intha a nankeh majaa a nanimchilhtu. Inih Akpu Jisu Khrista vaa malungsi in nannihta nanimruui veiso.

²¹Keiso tlohkhaljou Timothi, kei sakhei Lusias, Jason mahche Sosipatar ei in nannihta saambaan nanimlan.

²²Trongjihthuunta amjih Tertias ta Akpu ninga saambaan kamlan.

²³Mahche khakla apumtein atlungna vei Kaias in saambaan nanimlan. Khuuboomna selungpa Erastas mahche inih unao Kuartas in saambaan nanimlan.

²⁴Inih Akpu Jisu Khrista vaa malungsi in nannih naamteta naninruuipi veiso. Amen.

²⁵Pekva akthratrong mahche Jisu Khrista rella kiraan nujuih a chup chupta mathup a asih anthupkha,

²⁶ipekva anthupkha amdangpei, che ringraanei ringjih apaalla jaat anaamteta amirompei atrongthuun apaalla malot aja trongjuih athlengnatu.

²⁷Akromkir Ringpu vaa Jisu Khrista apaalla lai amrella mapaakna veiso. Amen.