Read Tarao Naga KALATIA 5 Bible Online

KALATIA 5 - Tarao Naga bible

KALATIA 5

¹Alamchunna Khrista in inihta thlaang thlaang inimphah peitaningvah, thlaang thlaang khanna chet a ngirve che naichi rukolkhanna veikhat inlenga roonpinohve.

²Pek Paul keiin nannihta kisonchou mahchuvah nannih in avuntan chouleva, Khrista vah nannihting akanana amnohsa.

³Avuntan akphah miirelta keiin veikhatla sakhi kimlanchou, mahchuvah amah in trongsuur naamteta amjuihnatu amahta akhitpei.

⁴Trongsuur apaalla nantakta machimnatu ansuul nannihvah, Khrista tingnata inpotsachou, nannihvah malungsi nata inriilsachou.

⁵Alamva Li vaa apaalla inih in malot a akchimlamseh matuurta inih in ingaak.

⁶Alamva Khrista Jisu ningah avuntan nohle tannohva akanana amnoh, chuta rilvol apaalla malot a thloutlohkha kanana.

⁷Nannih in thra a tlaanchou; akchim nantlohnatu tunang in nanivatme?

⁸Nanimdoinatu naniong amah kuungnanoh.

⁹Chol steruin alum apumteta ampho.

¹⁰Keiin Akpu kuungah seenga kanrilta kisih mahchuvah nannih in keitingnata ralla aktlei annoh madonnoh uchou, tutu slakho pichaarkha amah in athotu tlasa.

¹¹Chuta unaoeio, pekphah avuntan rella keiin raan anglevah, jarella anmah in keita kanchut angme? Chuleva thingkharh ah akeh masuihnatu atlohpei.

¹²Nannihta nanimchetnoh anmah in antak anroua inchoi seileva mahchu kei kirilpelna veiuta.

¹³Alamva unaoeio, nannihta thlaang thlaang nanveinatu naniongpei; chuta nannih in thlaang thlaangkha ruung turella reipak thratnatu veia rouloulounohve, chuta rilvol apaalla khatleh khat rou intlohjouve.

¹⁴Alamva trongsuur pumte i trongkhat in amthlungpei “Nangin nanthringpita nitaktal nanga niril mavolro.”

¹⁵Chuta nannih inta khatleh khat in eia insachoulevah, cheksilve, mahchuvah khat in khatta mamaang maramna tuvah tlohnohve.

¹⁶Chuta keiin kisonchou, Li vaa apaalla sehve, chuleva nannih nanruung in akditkha mapelnohtu.

¹⁷Alamva ruung in akditvah ruungta jekna, mahche Li in akditkha ruungta jekna, alamva nannih in nantlohjakhata nantlohnoh natu anmah in khatleh khat in andah ei.

¹⁸Chuta Li inta nanichingleva, nannihvah trongsuur athlangah amnohsachou.

¹⁹Pekva ruungvaa athlou eiva seengsa. Mah chuvah: Kumei kupa inlaal, seengnoh, ruungah thranohoong seh,

²⁰leili mathruun, leiva tloh, khatleh khat in andah, inna insuul, inarh hang, malung haangtrang, akroutu insuul, khatleh khat injanoh, miichangnai,

²¹kallak hang, tuiibuh inruii, derder tih, che maisoh intrimnaamte keiin nannihta matsah a kison khananga, pekkho nankuunga inrangbeb a kisonchou, mah chuvah oinangthlou aktlohmii in Ringpu vaa kurung huunnakha phahnohtu.

²²Chuta Li vaa akrahvah rilvol, phlaak huui, leh oi, doutrang, mii rilvoltheih, akthra, malot aja,

²³ril inneem, anroua inchaakchek, mainangta jeknatu trongsuurva amnoh.

²⁴Mahche Jisu Khrsita tu mii akvei in ruungta che ruung in akditleh akthranohta thingkharh ah amthlupipei.

²⁵Inih inta Li vaa apaalla ringmele, Li vaa apaal akho sehrei.

²⁶Ralla thloiliinmal, khatleh khat malung mahaang che khatleh khat kallak insihnohrei.