Read Tarao Naga 1 THESSALONIKA 3 Bible Online

1 THESSALONIKA 3 - Tarao Naga bible

1 THESSALONIKA 3

¹Alamchunna kannih in ralla tho kancheknoh invah kikroua Athens ah kanmah in thratu kimdonpei,

²chunna nannihta namilotna tinga nanimliinnatu khatkho nannihta bungthoknatu iuhnao mahche Khrista vaa akthra trongah Ringpu ta routloh iuhnao Timothi ta nankuungah kamithlahpei.

³Mahchuvah mainang klah knang jikcha in tukhatkho nanicheknoh natu. Mah i inih ichuumsa ta madonna nantaktal in nanrom.

⁴Alamva nannihsoh kan amjoulai inih in klah knang idoututla tih a matsah a kanson peichou; mah i suukho suuksa che nannih inkho nanrompei.

⁵Alamva mairella keiin soot kidoucheknoh rella, chuche jangmekhat hoongah madoina khanna nannihta nanimdoi aja, inruuia nannih nanthloukha sul vei aja tih a kantrit rella che nannih in mah namitloh khata keiin kiromatu amahta kimthlahpei.

⁶Chuta pekvah Timothi in nankuungnata kannih kankuungah thlengsa, che kannih inkho nannihta kantuukpija hangnanga nannih in lairella kannihta intheihchou, che nannih in namilot akthratrong che nannih rilvoltheih kharella amah in kanisonpei.

⁷Oirella unaoeio, kannih kanlah kansamma mahche kantlannoh jikchata nannih in namilot apaalla kannihta nanboh ung;

⁸nannih inta Akpu ningah chet ah ngirchouleva, pek kannihvah ringung.

⁹Alamva Ringpu maikuungah nannih phlaak huuina naamte rella kannih in khatloh a Ringpu ta kamipaak ume,

¹⁰nannih nanmeelta kanmuhnatu mahche namilotna thlou akvaat malanphu malannatu khulouh suun khalmo kanngennohme?

¹¹Pekva inih Ringpu mahche inih Pa ataklal in khatkho inih Akpu Jisu in amah akseeng mii eisoh inruuia athlenglai inih ipa Ringpu amaikuungah malaaltuphu amnoh a nanril seenga amchet amliintu.

¹²Kannih in nankuungah kantloh kankhal nanga nannih khatleh khat inseem mahche mii naamteta rilvoltheih a aksip Akpu in nankuungah ringna chaan nanimralchu veiso.

¹³Chunna inih Akpu Jisu in amah akseeng mii eisoh inruuia athlenglai inih Ringpu vaa mahche Pa amaikuungah malaannatuphu amnoh nanril akseengta amchet amliintu.