Read Tarao Naga 1 THESSALONIKA 5 Bible Online

1 THESSALONIKA 5 - Tarao Naga bible

1 THESSALONIKA 5

¹Chuta unaoeio, lai leh manjangnuram relvah nankuungah jakhatkho majihnatu darkaarnohsa.

²Alamva inruin khulouh a athlengnanga Akpu vaa akni thlengtu ta nantak in thra nanrom.

³Mii in “Leh — oisa che insuuk inhal lahna amnohsa” antihlai kak hanga nao anpooi kumei khat in naopoktum knananga kmaang asuuknakha antakchungah thlengtu, che anmah in ohkhannata inlitnatu amnohtu.

⁴Chuta unaoeio, mahnichu inruin athlengnanga nantakchungah athlengnatu salungkhouna veinohso, chuta unaoeio, nannihvah anthimma amnosachou.

⁵Alamva nannih nannaamvah akvaarvaa asa kupa sachou mahche suunvaa asa kupa sachou; inihvah khulouh tukho anthim tukho relnanohme.

⁶Churella aktleimiiei nanga inih in innohrei, chuta inih in pira singtheihrei.

⁷Alamva ak in mii in khulouh a innei, che tuiibuh anruii in khulouh a inruiiei.

⁸Chuta inihvah suunmii vei taningmevah, singtheihrei, malotna mahche rilvolna tingah silh a chaanringta matuurna thir lukhumta khumrei.

⁹Alamva Ringpu in inihta trihkhop a malunghaangta iphahnatu inicharnoh, chuta inih Akpu Jisu Khrista apaalla chaanring phahnatu inicharpei,

¹⁰Jisu Khrista in inih turella thisa, chunna inih in inthou samelakho in samelakho amahsoh inringjounatu suulrei.

¹¹Alamchunna nannih in nantloh nankhal khananga khatleh khat inseemma insohjouve.

¹²Chuta unaoeio, nankaara thloutloh mii, Akpu rella tlohkhalla nanchungah am mii, mahche nannihta nanichaak mii eita nanjahnatu kanoolchou,

¹³che anmah anthlourella anmahta rilvolla khalmo inkaanga injahve, che nannih nankaara leh oi am veiso.

¹⁴Unaoeio, nannihta bung kanthokchou, aklaal eita chaakve, li ah marnop eita masoh eive, khatleh khat doutrangve.

¹⁵Tunangkhat in thranoh nanitloh rella tukhat inkho thranoh a malengnatu tlohnohve, chuta lai amrel khat in khatturel mahche miinaam turel akthra tlohnatu jonve.

¹⁶Lai amrel roomthokve,

¹⁷inpot amnoh a ngenve,

¹⁸bilamma mapaakve; alamva mah i nannih turel Khrista Jisu kuungah Ringpu in amdon khasa.

¹⁹Akseeng Li ta thatnohve.

²⁰Ringraan in anphoong trongta usitnoh tlohnohve,

²¹chuta bilamta chaang anve, akthrata chet a matuhve,

²²bilam thranoh nata inlaave. Thranohoong naamte nata tlohnoh a inlaave.

²³Leh oi vaa Ringpu ataktal in nannihta nanimseeng veiso; mahche nannih nanli, che ruungah am li, nanruungta thra khatkho inih Akpu Jisu Khrista in athlenglai malaalna amnoh a nanisih veiso.

²⁴Nannihta naniong Amahvah malot aja, che amah in ohkhata atlohtu.

²⁵Unaoeio, kannih turelkho kaningenpive.

²⁶Seenga inchohsoh inruuia unao naamteta saambaan malanve.

²⁷Mah trongjihthuun i unao naamtein anpaanatu Akpu mingah kinoolchou.

²⁸Inih Akpu Jisu Khrista vaa malungsi in nannih nankuungah am veiso.