Read Tarao Naga 2 THESSALONIKA 2 Bible Online

2 THESSALONIKA 2 - Tarao Naga bible

2 THESSALONIKA 2

¹Unaoeio, pek inih Akpu Jisu Khrista in athlengah mahche inih in amahsoh inchunna intuuknatu rella kannih in kannoolchou,

²mahchuvah li in salakho nohle trongin salakho nohle kannih in kamijih inlo trongjihthuun salakho, Akpu vaa akni thlengsa tihrella khalmo intha a nannih nanrilta machoi chunohle roomthok nanveinoh natu.

³Tukhat inkho nannihta inhea nanisimna nohtu, alamvah thranoh amsuuk mii in matsah a anthlengnoh anmaa ah mahche aiil amnohmii, kmaang krelvaa asa kupata phanoh avah mahnichu thlengnoh umang,

⁴Rappu ta mii in Ringpu sa ta an onga mahche amithruunnata amah in indah a atak anroua amliintu, che amah in Ringpu akseeng munna luut a Ringpu mathruunna thlaamma inbok a Ringpu sang ta akroua inson.

⁵Keiin nannihsoh kiamjoulai mah i nankuungah kisonkha intheih choume?

⁶Che amah laita amah in aphoongnatu pek athingkha nannih in nanrom.

⁷Alamvah aiil akjuihnoh in anthupkha matsah nata thloutloh a am, amahta lam khannata inlounohmiil pekva akthing miikhan thinga amuning.

⁸Mahchuche aiil akjuihnoh amahkhata amdangtu, mahche Akpu Jisu abaona tolsoh amahta athattu, che akpu athlenglai amahta ammaangtu.

⁹Aiil amjuihnoh amah in athlenglai Seitan vaa thlouta atloh nujuih a tuui naamtesoh, masimna daangsoh mahche salungkhouna,

¹⁰che kochanoh turella akchimlamseh nata mii masimna annaam eisoh inruuia maangjou tuei alamva anmah in inkal phahnatu akchim rilvolta anmah in roulounoh ei.

¹¹Alamchunna anmah in akchimnohta amilotnatu, che anmahta masimnatu Ringpu in antakchungah aktrang mii masimna ankuungh amthlah,

¹²mahchunna akchimta malotnoh a akchimlamseh noh a roomthok anmahta amlaaltuei.

¹³Chuta Akpu in arilvol unaoeio, nannih rella lai amrel Ringpu ta mapaak i kanthlousa, li ah akchimta mapaak i kanthounasa, alamvah maiche akchimta imlot apaalla amseeng khanna inkal phahnatu kulkuung nata nanicharpei.

¹⁴Chunna kannih in akthratrongta kanraan apaalla Akpu Jisu Khrista vaa paarthrata nanphahnatu nannihta naniongpei.

¹⁵Churella unaoeio, chet a ngirve che narnatrong salakho naohle trongjihthuunna salakho nankuungah kimtheih choukha chet a matuhve.

¹⁶Pekva inih Akpu Jisu Khrista atak in inihta inirilvol, ache amnoh a iniboh, mahche malungsi apaalla akthra matuurta inimlan inih Pa Ringpu in,

¹⁷nannihta nanibohso che akthra thlou rella mahche trongla a nanimchet veiso.