Read Tarao Naga 2 THESSALONIKA 3 Bible Online

2 THESSALONIKA 3 - Tarao Naga bible

2 THESSALONIKA 3

¹Achenaremma, unaoeio, nannih nankaara vei khananga Akpu trongta intha raanna raal nancheknatu kannih turella kaningenpive,

²che kochanoh mahche akchimnoh mii tingnata inkal kanphahnatu kaningenve; alamva mii naamte amlot miinoh ei.

³Chuta Akpu vah malot aja; amah in nanimtrangtu mahche thranoh tingnata naningaak naniseltu.

⁴Mahche nannih turella Akpu ta kamilotna am, mahchuvah kannih in nankuungah trongthuun kamilankhata majuih a amchou che tlohkho nantloh umang.

⁵Miita rilvoltheih Ringpu kuungah mahche Khrista vaa akchet khanna nannihta Akpu in nanichingso.

⁶Pek unaoeio, inihvaa Akpu Jisu Khrista mingah trongthuun kamilanchou, mahchuvah unao tutueime ktalla ring mahche kankuung nata nanphah iloutloh nonota amjuihnoh unaoei tingnata inpelve.

⁷Alamva nannih in kannih kanhoongta khatloh a loua namijuih umeta nantak in nanrom; nannihsoh kan amjoulai kannihva talnoh ung,

⁸kannih in tukhat tingnakho aman malannoh a tol loua lousanoh ung, chuta tukhat tingkho potrik kamiveinoh natu khulouh suun inchek a thlou kantloh.

⁹Mahkha kannih in tlohphu tihtanoh ung, chuta kantloh kankhal kanhoong kanvata nantaamnatu nankuungah khudam veia kantloh.

¹⁰Alamva nannihsoh kan amjoulai amah trongthuun i kamilan peichou: Tukhat in thloutloh indahleh, amah in saakho saanohsoh.

¹¹Alamva nankaara tukhat mii arouva ktalla ammei, miithlou ah theihsin veia houtamma jakhatkho tlohnohluunga ammeita kantheihpei.

¹²Pekva mainang mii in daia anthloutloh a anringna anthrulnatu anmahta Akpu Jisu Khrista minga trongthuun malanna bung kanthok ei.

¹³Unaoeio, nannih in akthra tloh ah kmonnohve.

¹⁴Mah trongthuun in kansonchou. Tukhat in amah trongthuun in kansonta majuih indahleva, mahmiikha romve, che amahsoh tlohkhal jounohve amahvah injak aphahtu.

¹⁵Andahnang avah lounohve, chuta unao pasakhat veia chaakve.

¹⁶Pekva Leh oi vaa Akpu ta amlin lai amrel alam naamte ah leh oi nanimlanso.

¹⁷Paul keiin amah saambaan i kikuttal in kimjih, keiin kimjih trongthuun rella mah i inromnatu kivilpei, mah i keiin kimjih ahoongsa.

¹⁸Inih Akpu Jisu Khrista vaa malungsi in nannaamta nanimruui veiso.