Read Tarao Naga HIBRU 1 Bible Online

HIBRU 1 - Tarao Naga bible

HIBRU 1

¹Leithingah Ringpu in ipa ipuei ankuungah ringraanei anpaalla aje ajea mahche alam jikcha suuk a tronga;

²chuta mah aknichuta acheniva amah Asa kupa apaalla inihkuungah trongsa, amahta poot naamtetu lalchun amveinatu thlou athunpei, amah apaalla tukleiramkho aseempei.

³Amah in Ringpu vaa paarthrata alengpei mahche Ringpu kuungah louam ahoongtalta amah in veisa, amah atuuivaa trong apaalla tukleiram pumte kool kemma asih. Amah in aleh am mii eita amseenglaia, akchek amneh in ankaang akutchanga inboksa.

⁴Amah in ringroi anchungah ralla akthraming aveinanga anmah in anveichungah ralla amah in akthloirem veisa.

⁵Alamva Ringpu in ringroi ankaara tuta asonme, “Nangi kei Kisa kupache, mi in nangta kipokpeiche?” nohle veikhatla, “Keiin Amah Apa veitung, “che amah in kei Kisakupa veitu?”

⁶Che veikhatla, amah in matsah pokta tukleiramma athlenlai, veitu amah in ason, “Ringpu vaa ringroi annaamte in amahta mathruuneiso.”

⁷Ringroi rella amah in ason, “Amah ringroiei li khatkho, amah rojuih ei turella meibommi tuin aseemme.”

⁸Chuta Asa kupa relvah amah in ason, “Nang phompii, O Ringpu ache akham amnoh, akchim sungrolh i nang kurung kunnavaa sungrolhsa.

⁹Nangin akchimlamsehta nirilvol, che trongsuur amjuihnoh eita intirhche, “Alamchunna Ringpu, che nang Ringpu, nang nipai in nangta thao nakteipei; “anchungah ralla roomthokna thaova naktei.”

¹⁰Mahche, “Akpu nangin kulkuung nata thaleimun namthronpei, “mahche ringramvah nang nikut in nitloh thlouseng;

¹¹“anmahvah kmaangtuei, chuta nangvah incheknoh a ammuche; “anmah annaamteva puun amluinanga maluituei,

¹²“puunrei namthlep nanga, che anmahta namthleng tuei, “chuta nangvah inthlengnohche “che nang nikumkha akham amnohtu.”

¹³Chuta tunang in ringroi kuunga amah in ason amme, “Nang jeknaeita keiin nikeh chilhna kamveinohmiil, kei kikchangtonga inbok uche?”

¹⁴Chaanring akphahsam annaamte turella routlohnatu amthlah, anmahva lia thlou tlohnatu amthlah miinoh eime?