Read Tarao Naga 3 JOHN 1 Bible Online

3 JOHN 1 - Tarao Naga bible

3 JOHN 1

¹Anparuul akvei keiin akchimtingah kirilvol Kaias kuungah.

²Kirilvollo, bilam thra ringdamma nitloh nikhalnatu mahche akthraruung niveinatu nang turella kingen; nang niruung akli thra tih a keiin kirom.

³Alamva unaopasa arouin thlenga nang nichaan akchimta mahche nangin akchimta namjuih tih a sakhi amilan in, khalmo kiroomthoksang.

⁴Kei kisaeiin akchim amijuih tih a kitheih in onnata ralla aktlei kiroomthokna amnohsang. Kaias ta kimpaak.

⁵Kirilvol nangin niuh ninaoeita, amuveia rapkheina akthleng ankuungah nangin rou nitloh ei i khalmo akliinthlousa.

⁶Khakla maikuungah nangin nirilvolrella amah in sakhi amilanpei. Nangin thratea routloh a anmahta rapkheia nimthlahpei ei.

⁷Alamva amahrella anmah in rappu amthruunei tingnata jakhatkho lounoh a sehsei.

⁸Chunna inih in mahchunang mii eita majoomphu mah chuvah inih in akchimthlou aktlohjou iveinatu.

⁹Keiin khakla ah ste kimjihpei; chuta ankaara akthloirem akveija Diotrephes invah keiin tlohkichek kimneh tih a keilounoh.

¹⁰Chunna keiin thleng angle, amah in jangatlohme kiksuitu, amah in keiandah a thranoh tronga amahnoh mahnoh trongtlam che mahkhankho pelnoh a, amah in unaopasa eita lousoonga roulou indah, che anmahta roulou aja luungta malotnoh a amah khakla ta amnommei.

¹¹Kirilvollo, thranoh hoonta majuihnohro chuta akthra hoongta majuihro. Akthra tlohmii in Ringpu tingna thranoh tlohmii in Ringpu ta muhnoh.

¹²Miinaam in mahche akchimkhanna Demetrius rella aringtukna akthrata amilan; keiinkho amahrella akchim sakhi kimlan, mahche kei kiringtukna thamnin i chim tih a nannih in nanrom.

¹³Keiin nankuungah kimjihtu khalmo am, chuta kolom leh muk in majihnoh usang;

¹⁴keiin nangta intha a inmuhpinatu kimtuur, mahche inih in khatleh khat intuukjoua trong umangme.

¹⁵Nangkuungah leh oi am veiso. Ipai eiin nangta saambaan namlanei. Ipai naamteta keiinkho saambaan kamlanei.