Read Tarao Naga MADANGNA 20 Bible Online

MADANGNA 20 - Tarao Naga bible

MADANGNA 20

¹Mahchuche adongna amnoh khurvaa chapi khatkho thirhang inrolkhat akut ah akchoi ringroi khat in ringramnata trum kimuhpei.

²Che amah in ruulpiinu amchuvah leithingna muruulta suura asihpei, amahvah rappu khatkho Seitan che amahta kum akpulkhat kaanna asihpei,

³amahta ache amnoh khurra athlaakpei, che kum akpulkhat achenohmiil amah in jatboom naamte veikhat inlenga amsimna nohtu amahta chapi khaara chum namma asihpei; maiche aknua amahta lai kakturel amthlahtu.

⁴Mahchuche phompii tamkhaak keiin kimuhpei, che phompii chunga anbok ankuungah pichaar tlohnatu tuui amlanpei. Mah chuvah Jisu kuungah amah ringtukna thaminnei che Ringpu trong rella ankangta antanche leilikha keiin kimuhche saraang nohle leili khata amthruunnoh ei che anmah amichalla khatkho ankut ah daak ak amnoh eiin chaan anphahche Khrista soh inruuia kum akpulkhat paaltuei.

⁵Aktlei akthi eikhanna kum akpulkhat achenohmiil ringnoh tuei. Mah i matsahrem veikhat ring khasa.

⁶Matsahrem veikhat ring akjao amahvah doi akphahsei mahche akseengsei! Mainang mii anchungah innih tihpi thihna tuui amnoh, chuta anmah in Ringpu mahche Khrista vaa thiimpu vei tuei che anmah in Khrista soh kum akpulkhat paaltuei.

⁷Che kum akpulkhat achesoh simma thunna asih Seitanta amthlahtu.

⁸Che Seitan in inthruh a thalei akiing manli ah am jaatboom eita mahchuvah Kok leh Makok ta amsimnatu sehtu, anmahta raal amtlohtuei; anmah anmasingvah tuiiboomna sitsai nanga tammei.

⁹Anmah in thalei intlaap akseeng mii in an amna khatkho rilvolna khuboomta ankooipei; chuta ringram tingna mei in anmahta ahaalkhem peiei.

¹⁰Che amahta amsimna rappukha, saraang mahche chimnoh ringraan mii khanna salphar mahche meiboom asuungah alon, che mah khanna suun jaan ache amnoh a anmahta akchut tuei.

¹¹Mahche phompii kliin inngoukhat, che mah phompiichung anbok amahkhata keiin kimuhpei; amah amaikuung nata marvaan mahche thalei in tlaansei che anmah turella an amnatu aphom amnohsa.

¹²Che akthiei, andih khatkho anroleiin phompii, che nirikha inhoongsei. Mahche aktlei nirikkho inhoongsa! Mahchu akring nirikkha inhoongsa. Che amah in akthi eita nirik akhan anjih ei anmah anthlou nujiuh a pichaar atloh ei.

¹³Tuiiboom in amah asuungah am aktlei eita amthlahpei, che Kthi khatkho Repnang in anmah ankuungah am akthi eita amithlahpei, anmah annaamteta anthlou anthlou nujuih a pichaar atloh ei.

¹⁴Cheva kthi mahche Repnang ta meiboom asuungah ahunthlakpei. Mah i innih tihpi kthi meiboom khasa;

¹⁵Tunangkhat in akring nirik ah amah akmingta injih a intuuknoh leva, amah miikha meiboom asuungah ahunthlaktu.