Read Tase Naga 1 TVTSUINGC TVY 8 Bible Online

1 TVTSUINGC TVY 8 - Tase Naga bible

1 TVTSUINGC TVY 8

¹Benjamin sahez kuex waz bv-ngac httax yaq. Tsuinghez rullungx miqlaungx nosaz tv-phvnc kuex Bela, Ashbel, Ahara,

²Noha nuiyc Rapha rvtueq.

³Bela suiuz vsaz hez kuex Addar, Gera, Abihud,

⁴Abishua, Naaman, Ahoa,

⁵Gera, Shephuphan nuiyc Hiram rvtueq.

⁶Ehud suiuz vsaz hez kuex Naaman, Ahija nuiyc Gera rvtueq. Tsuinghez kuex Geba ghaq nuex httax yaq yuimx taungx htenc wawc walaungx bix rvtueq, yuq muinz Manahat nuex httax kay tvkoc yurc gay rvhumc tueq. Kvkhoc rvtueq Uza nuiyc Ahihud tsuingnueyc waz Gera rueq tsuinghez kuex shvlx tueq.

⁸Shaharaim kuex vtaungx nyuiuz nueyc Hushim nuiyc Baara rulc rvpawc kaz tueq. Yimaq Moba kuz ghaq nuex piq httax tueq baunglaung, Hodesh kuex lvmz vtueq vsaz hez waz mvshix lvp tueq, Jobab, Zibia, Mesha, Malkam,

¹⁰Jeuza, Sakhia nuiyc Mirma rvtueq. Piq sahez lotlaz kuex yuimx taungx htenc nuex vkhux yaungx wvnc wuez tueq.

¹¹Hushim tsuingnueyc saz muinz waz nueyc rvtueq: Abitub nuiyc Elpaal rvtueq.

¹²Elpaal sahez waz thuimx httax yaq: Eber, Misham nuiyc Shemed rvtueq. Shemed kuex Ono nuiyc Lod ghaqyungx htenc nuiyc tvroz wawc miqghaq htenc tec jix waz rvtueq.

¹³Beria nuiyc Shema kuex Aijalon ghaqyungx nuex httaz shaungx httaz jix yuimx taungx wawc vkhux yaungx vtueq, Gad ghaqyungx wawc miq htenc kuex yurc gay jix hez rvtueq.

¹⁴Beria suiuz vsaz hez kuex Ahio, Shashak, Jeremot,

¹⁵Zebadia, Arad, Eder,

¹⁶Michael, Eshpa nuiyc Joha rvtueq.

¹⁷Elpaal suiuz vsaz hez wawc Zebadia, Meshulam, Hizki, Heber,

¹⁸Eshmerai, Ezlia nuiyc Jobab lomx tueq.

¹⁹Shime suiuz vsaz hez wawc Jakim, Zichri, Zabdi,

²⁰Elienai, Zillethai, Eliel,

²¹Adaia, Beraia nuiyc Shimrat lomx tueq.

²²Shashak suiuz vsaz hez wawc Eshpan, Eber, Eliel,

²³Abdon, Zichri, Hanan,

²⁴Hanania, Elam, Anthothija,

²⁵Ephadea nuiyc Penuel lomx tueq.

²⁶Jeroham suiuz vsaz hez wawc Shamsherai, Sheharia, Athalia,

²⁷Jareshia, Elia nuiyc Zichri lomx tueq.

²⁸Kvruex hez kuex Yerusalem nuex jix vwaz pat maq phuex vhttax wvnc yuimx htenc nuiyc ghaqshungc suiuz vsaz hez muex vkhux yaungc jix hez rvtueq.

²⁹Jeiel[10] rueq Gibeon ghaq kuex tec vtueq, kvruex ghaq kvyuq httax tueq. Vtaungx nyuiuz muingc kuex Maaka rvtueq,

³⁰vsaz pekhux waz kuex Abdon rvtueq. Vsaz hez vganc kuex Zur, Kish, Bala, Ner,[11] Nadab,

³¹Gedor, Ahio, Zecher rvtueq,

³²Miklot kuex Shimea waz rvtueq. Tsuingshiq kuex tsuingshiq taungx wawc yuimx wuinz htenc nuiyc Yerusalem nuex miqmac phuz vnox hez hep nuex httax wuez tueq.

³³Ner kuex Kish waz rvtueq, Kish kuex Hokhvmx Sholu waz rvtueq. Sholu sahez kuex waz bvlic httax yaq: Yonathan, Malkishua, Abinadab nuiyc Eshbaal[12] rvtueq.

³⁴Yonathan kuex Meribbaal[13] waz rvtueq, Meribbaal kuex Mika waz rvtueq.

³⁵Mika sahez kuex waz bvlic httax yaq: Pithon, Melek, Tarea nuiyc Ahaza rvtueq.

³⁶Ahaza kuex Jehoadda waz rvtueq, Jehoadda kuex Alemet, Azmawet nuiyc Zimri waz rvtueq. Zimri kuex Moza waz rvtueq,

³⁷Moza kuex Binea waz rvtueq, Binea kuex Rapha waz, Rapha kuex Eleasa waz, Eleasa kuex Azel waz rvtueq.

³⁸Azel sahez waz tvruk httax yaq: Azrikam, Bokeru, Eshmael, Shearia, Obadia nuiyc Hanan rvtueq.

³⁹Azel nox Eshek rueq vsaz miqwaz vthuimx lvp tueq: Ulam, Jeush nuiyc Eliphelet rvtueq.

⁴⁰Ulam sahez kuex shvrvyx nolaungx bix nuiyc laq gap thenc hvlc shvrvyx bix rvtueq. Piq suiuz vsaz hez lotlaz 150 httax yaq. Lvmx htauk wawc muingc htenc kuex Benjamin phvnx wawc sawc sauk rvtueq.