Read Tase Naga YOBA 26 Bible Online

YOBA 26 - Tase Naga bible

YOBA 26

¹Ngaz vkhoc vhtemz vrvmz, hungc vlaungc vnulx waz muex, mnoz rueq yvmx khoc lac romc kuq phux taux!

³Mnoz rueq ngaz vkhoc tharc guez waz muex vtanc khvnc hvlx yaq kvmungx kuex kuq vtueq mphaqjic kuex phvlx kuq vshuiux nyix!

⁴Mkvjaz htenc lotlaz kuex ukhaq rueq tay shuex ngoz tueq lac tvmaung vshuiux? Kvkhoc kvjaz tvkoc msiyac kuex uraq lac nvr tvnx?

⁵[22]Vthueyc vruez kaz jix siyac htenc kuex ghaq mungx nuex httax yaq yuix mungx kvyuq kv-khuirc kawc yawc wuez yaq.

⁶Wulumx mungx kuex Tishox mvnz nuex wuix lawz dvyx rvtueq; vpiq mvnz nuex kvpuingc kvtuing juing vguez.

⁷Tishox rueq ghaqkhux kox wawc raungx kuex tvparc vtueq, ghaq kuex raungwuilx wanc nuex pauk taq shec tueq.

⁸Phuemx mungx nuex yuix kuex htawc vtueq, yuix liz rueq phuk kaz muq tvkoc tuing jix waz kuex Tishox rvtueq.

⁹Vpiq rueq phuemx yix nuex yapix tumz kuex puingc taq tueq.

¹⁰Vpiq rueq raungnyauk wawc raungwuic kuex tv-phvlc taq ruiux svmuktvrax yuix htvlx phawc htauk nuex guemc shauk taq shec tueq.

¹¹Raungx htuiz juing htung htenc kuex vpiq rueq httonx koq tueq, kvruex htenc kuex hiyaz vtueq kvbuilc tueq.

¹²Vpiq hungc vlaungc maq svmuktvrax kuex taungx gay tueq;[23] vpiq vthenc vtuiuz maq yungrex Rahab kuex tvbac gay tueq.[24]

¹³Vpiq thuiuzthuic maq raungx kuex tvkhuingc gay ruiux, vyauk maq, vyuz vruez wvnc yungrex[25] kuex thvt gay tueq.

¹⁴Yuq muinz kvruex htenc kuex vpiq luimc vkawc vmawz rawz tanc dvyx rvtueq, naungshiq rueq tay wvnc tiq lvmz kuex miq rvshuip shoyx tanc khvnc dvyx rvtueq. Tishox kuex vsuing mtanc khvnc lac yungx luz yaq nguinx kuex uraq lac tuiuz lot shvnx?